04.08.2026 | 15:37
Բայրամովը հայտարարել է, հայ-ադրբեջանական հարաբերությունների կարգավորման գործընթացում լրացուցիչ առաջընթաց է սպասվում
Լիբանանյան բանակը ճանապարհները բացելու համար ուժ է գործադրել
Քաղաքականություն
06.11.2019 | 17:35
Լիբանանում զինվորականների և հատուկ ծառայությունների աշխատակիցների ուժերով Բեյրութի և երկրի մի շարք շրջանների ճանապարհները բացել են, մայրուղիները՝ մաքրել, իսկ ցուցարարների տեղադրած վրանները՝ ապամոնտաժել: Այս մասին գրում է սիրիական պետական ՍԱՆԱ գործակալությունը:
Երկրի մի շարք շրջանների դպրոցներում և համալսարաններում երկշաբաթյա դադարից հետո դասերը վերսկսվել են, բացվել են բանկերն ու հանրային օբյեկտները:
Հայկական «Ազդակ» օրաթերթի փոխանցմամբ էլ՝ Զուքի մայրուղին բացելու ընթացքում ուժայինների ու ցուցարարների բախումներ են գրանցվել, մի քանի ցուցարար ձերբակալվել է:
Երկրի մի շարք շրջաններում, այնուամենայնիվ, բողոքի ակցիաները շարունակվել են: Մայրաքաղաք Բեյրութում էլ մեծ թվով ցուցարարներ ներխուժել են Զեյթունա Բեյի տարածք՝ բողոքելով ծովային տարածքները սեփականաշնորհելու դեմ:
