22.05.2026 | 13:48
Ինչպես ԱԱԾ-ականների ուղեկցությամբ Անդրանիկ Թևանյանը եկավ իր բնակարան․ ՏԵՍԱՆՅՈՒԹ
ՀՀ ՊՆ-ի արձագանքը ոչ պաշտոնական բանակցությունների մասին ORSIS-ի հայտարարությանը
Քաղաքականություն
05.11.2019 | 18:22
ՀՀ Պաշտպանության նախարարությունը հերքում է ռուսական լրատվամիջոցներում տարածված տեղեկությունը, թե Հայաստանի պաշտպանական գերատեսչությունը փորձել է ոչ պաշտոնական ճանապարհով լուծել ռուսական ORSIS ընկերության հետ զենքի մրցույթի չեղարկման հետևանքով առաջացած խնդիրը:
««Промтехнологии» ընկերությունը գրավոր դիմել է ՀՀ Պաշտպանության նախարարությանը՝ հանդիպում կազմակերպելու համար: ՊՆ-ից համապատասխան աստիճանի պաշտոնյաները, որոնք նման լիազորություններ ունեն, դեմ չեն եղել, որ մինչև նոյեմբերի 7-ն այդ հանդիպումը կայանա, բայց տեխնիկական պատճառներով այն չի կայացել»,- Factor.am-ի հետ զրույցում ասաց ՀՀ ՊՆ մամուլի խոսնակ Արծրուն Հովհաննիսյանը:
Ավելի վաղ ռուսական լրատվամիջոցները, վկայակոչելով «Промтехнологии» ընկերությանը (ORSIS դիպուկահար զենքի արտադրողը), հայտնել էին, որ ՀՀ ՊՆ-ի կողմից ոչ պաշտոնական հրավեր է ստացվել՝ գերատեսչության համար զենքի խմբաքանակի մատակարարման չկայացած պայմանագրի խնդիրը կարգավորելու համար:
«Մենք ՀՀ ՊՆ-ից բանակցությունների սեղանի շուրջ նստելու ոչ պաշտոնական հրավեր ենք ստացել: Ընկերությանը նաև ՊՆ-ին մերձավոր անձանց կողմից դիմելու փորձեր են արվել: Կարծում ենք, որ այս դեպքում դա ոչ կոռեկտ և անթույլատրելի է, երկխոսությունը պետք է պաշտոնական լինի»,- հայտարարել էին ընկերությունում:
