17.11.2024 | 16:37
Գործադիրը խորհրդարան է ներկայացրել փաթեթ՝ հիմքում դնելով բարձր տեխնոլոգիական ոլորտի աջակցությունը․ ԱԺ․ ՏԵՍԱՆՅՈՒԹ
ՀՀ-ում ԱՄԷ դեսպանությունը ԱՄԷ դրոշի օրվա կապակցությամբ միջոցառում է կազմակերպել
Քաղաքականություն
03.11.2019 | 19:12
Նոյեմբերի 3-ը էմիրաթական դրոշի օրն է։ ՀՀ-ում ԱՄԷ դեսպանությունն այսօր կազմակերպել է ԱՄԷ դրոշի օրվա կապակցությամբ միջոցառում, որին ներկա են գտնվել Հայաստանի ազգային պարալիմպիկ կոմիտեի, հաշմանդամների «Փյունիկ» միության նախագահ Հակոբ Աբրահամյանը, պարալիմպիկ խաղերին մասնակից հայ մարզիկներ, դպրոցականներ և ուսանողներ, ովքեր դրոշի գույներով փուչիկներ են բաց թողել երկինք ԱՄԷ հիմներգի ուղեկցությամբ։
ՀՀ-ում ԱՄԷ դեսպան Ն․Գ․ Մուհամմադ Իսա ալ-Զաաբին բարձրացրել է ԱՄԷ դրոշը դեսպանության շենքի հարևանությամբ և հանդես է եկել ելույթով՝ ներկայացնելով Էմիրությունների հիմնադրման և դրոշի ստեղծման պատմությունը։
Դեսպանի խոսքով՝ Արաբական Միացյալ Էմիրությունները յուրաքանչյուր տարի նոյեմբերի 3-ին նշում է Դրոշի օրը, որը մարմնավորում է միասնության, համախմբվածության և պետականաշինության բարձրագույն արժեքները։
Նա հավելեց, որ ԱՄԷ փոխնախագահ, վարչապետ, Դուբայի կառավարիչ Նորին Գերազանցություն Շեյխ Մուհամմադ բն Ռաշիդ ալ-Մաքթումը 2013թ․-ին Դրոշի օրը հռչակել է որպես ամենամյա ազգային միջոցառում։
Դրոշի օրը նշելը վերահաստատում է ղեկավարության հանդեպ հավատարմությունը, հայրենիքին նվիրվածությունը և դրոշին ծառայելը։
