17.11.2024 | 15:32
Աղվանի-Տաթև ավտոճանապարհին բեռնատարները մերկասառույցի պատճառով չեն կարողացել շարունակել ընթացքը
«Թրամփն ուզում է, որ Էրդողանն այցելի ԱՄՆ». Թուրքիայի նախագահի խոսնակ
Քաղաքականություն
01.11.2019 | 23:03
Թուրքիայի նախագահի մամուլի խոսնակ Իբրահիմ Քալընը հայտարարել է, որ ԱՄՆ նախագահ Դոնալդ Թրամփը ցանկացել է, որ նախագահ Էրդողանին ուղարկված ԱՄՆ այցելելու հրավերն իրականացվի. գրում է ermenihaber.-ը:
Միջանկյալ նշենք, որ հոկտեմբերի 29-ին ԱՄՆ Կոնգրեսի ստորին` Ներկայացուցիչների պալատը Հայոց ցեղասպանությունը ճանաչող բանաձև և Սիրիայում ռազմագործողություն իրականացնելու պատճառով Թուրքիայի դեմ տնտեսական պատժամիջոցներ կիրառելու վերաբերյալ օրինագիծ էր ընդունել:
Այդ կապակցությամբ Էրդողանը հայտնել էր, որ Թրամփի հրավերով` նոյեմբերի 13-ին նախատեսվող հանդիպման շուրջ դեռևս որոշում չի կայացրել և «որոշ հարցականներ կան»:
Իբրահիմ Քալընը նկատել է, որ Թրամփն ամեն անգամ Էրդողանի հետ հանդիպումից հետո արդեն երկու-երեք անգամ է կրկնում է, որ որոշել է զորքերը դուրս բերել Սիրիայից և հավելել. «Համակարգը (ԱՄՆ) ինչ-որ ձևով քայլեր կատարեց, որ ի չիք դարձնի նախագահի (Թրամփի) այդ խոսքերը»:
Ներկայացուցիչների պալատում ընդունված Թուրքիայի դեմ պատժամիջոցների վերաբերյալ, որոնք առնչվում են Էրդողանի ընտանիքին և նախարարներին, Քալընը նշել է.«Շատ անմակարդակ դրսևորումներ են և անձերի դեմ ուղղված գործողություններ»:
