08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
«Քվեարկություն, որի համար պայքարել եմ 19 տարի». ԱՄՆ կոնգրեսական Ադամ Շիֆը հուզվել է Կոնգրեսում ելույթի ժամանակ (տեսանյութ)
Քաղաքականություն
30.10.2019 | 12:35
ԱՄՆ հայամետ կոնգրեսական Ադամ Շիֆն ԱՄՆ Կոնգրեսի Ներկայացուցիչների պալատում Հայոց ցեղասպանության ճանաչման մասին բանաձևի ընդունման վերաբերյալ Twitter-ում գրառում է կատարել՝ հրապարակելով Կոնգրեսում իր ելույթի տեսանյութը:
«Ներկայացուցիչների պալատը քվեարկեց Հայոց ցեղասպանության ճանաչման օգտին՝ քվեարկություն, որի համար պայքարել եմ 19 տարի, որին տասնամյակներ շարունակ սպասել են իմ հայ ու ամերիկացի ընտրողները: Մենք չենք մասնակցի ցեղասպանության ժխտմանը: Մենք չենք լռի: Մենք երբեք չենք մոռանա»,- գրել է կոնգրեսական Շիֆը:
Կոնգրեսում ելույթի վերջում Ադամ Շիֆի ձայնը դողացել է, նա կարճատև դադար է առել՝ ելույթն ավարտելու համար։
Հիշեցնենք, որ ԱՄՆ Կոնգրեսի ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը։ Քվեարկությանը մասն
ակցած կոնգրեսականներից կողմ է քվեարկել 405-ը, դեմ՝ 10-ը, ձեռնպահ՝ 3-ը, իսկ 14 կոնգրեսական չի քվեարկել։
The House just voted to recognize the Armenian Genocide – a vote I fought for 19 years to make possible, that tens of thousands of my Armenian American constituents have waited decades to see.
We will not be party to genocide denial. We will not be silent. We will never forget. pic.twitter.com/R8Ex2lqYEb
— Adam Schiff (@RepAdamSchiff) October 29, 2019
