28.11.2024 | 21:30
Հռոմի պապը 2025 թվականին կայցելի Թուրքիա
Իրաքում ցույցը ցրելու հետևանքով մի քանի տասնյակ մարդ է զոհվել. լրատվամիջոցներ
Քաղաքականություն
29.10.2019 | 13:53
Իրաքի կենտրոնական հատվածի Քերբելա քաղաքում ուժայինների կողմից նստացույցը ցրելու ընթացքում, հնարավոր է, շուրջ 30 մարդ է մահացել: Այս մասին գրում է ՏԱՍՍ-ը՝ վկայակոչելով Al Hadas հեռուստաալիքը:
Միաժամանակ, Al Hadas-ի փոխանցմամբ, տեղի ոստիկանությունը հերքել է ինչպես ցուցարարների, այնպես էլ իրավապահների շրջանում զոհերի մասին լուրերը:
Ավելի վաղ Al Arabiya-ն, վկայակոչելով բժշկական աղբյուրները, հաղորդել էր, որ նստացույցը ցրելու ժամանակ 18 մարդ է զոհվել:
Իրաքի մի շարք շրջաններում հոկտեմբերի 1-ից հակակառավարական ցույցեր են սկսվել: Մայրաքաղաք Բաղդադում, ինչպես նաև հարավային և հյուսիսային նահանգներում քաղաքացիները պահանջում են կառավարության հրաժարականը:
Խաղաղ ցույցերը, սակայն, արագորեն վերաճել են ոստիկանների և զինվորականների հետ բախումների: Պաշտոնական տվյալներով՝ այս ամսվա սկզբին բողոքի ակցիաների ընթացքում 157 մարդ է զոհվել, ևս 3.500 մարդ տուժել է:
