08.04.2026 | 23:33
Հայաստանը տարածաշրջանում առաջատարն է The Economist-ի Ժողովրդավարության ինդեքսի համաձայն
Սահմանել խիստ հսկողություն. վարչապետի հանձնարարականը՝ կոռուպցիոն ոլորտի վերաբերյալ
Տնտեսություն
05.10.2017 | 11:45
ՀՀ կառավարության նիստն այսօր մեկնարկեց վարչապետ Կարեն Կարապետյանի հերթական հանձնարարականներով, որոնցից առաջինը վերաբերում էր կոռուպցիոն ոլորտին:
Վարչապետը հիշեցրեց՝ բազմիցս են հայտարարում կոռուպցիայի դեմ պայքարում իրենց վճռականության մասին և վերջին մեկ տարվա ընթացքում, ըստ Կարապետյանի, այդ ոլորտում նախաձեռնվել և իրականացվել են մի շարք առարկայական օրենսդրական և գործնական փոփոխություններ:
«2018 թվականին ՀՀ-ում կոռուպցիայի դեմ պայքարում իրականացված միջոցառումները գնահատվելու են մի շարք միջազգային կազմակերպությունների կողմից, մասնավորապես՝ գնահատվելու են տնտեսական համագործակցության և զարգացման կազմակերպության հակակոռուպցիոն գործողությունների և ՄԱԿ-ի կոռուպցիայի դեմ կոնվենցիայի շրջանակներում կատարված աշխատանքները»,- ասաց վարչապետը:
Հաշվի առնելով վերոնշյալի կարևորությունը և այն հանգամանքը, որ նշված փաստաթղթերում ամրագրված առաջարկությունները միջգերատեսչական բնույթ ունեն՝ Կառավարության ղեկավարը հանձնարարեց արդարադատության նախարարին ամփոփել և ներկայացնել առաջարկություն համապատասխան պետական մարմինների կողմից կատարման ենթակա գործողությունների ապահովման վերաբերյալ:
Բացի այդ, Կարապետյանը Կառավարության աշխատակազմի ղեկավարին հանձնարարեց արդարադատության նախարարի կողմից ներկայացված տեղեկատվության հիման վրա նախապատրաստել վարչապետի հանձնարարականի նախագիծ՝ բոլոր շահագրգիրռ մարմիններին հստակ ժամկետներում իրենց իրավասության ներքո գտնվող գործողությունների կատարման վերաբերյալ:
«Գործողությունների կատարման ընթացիկ գործընթացի նկատմամբ սահմանել խիստ հսկողություն և պարբերաբար զեկուցել ինձ» ,- եզրափակեց Կարեն Կարապետյանը:
Շողիկ Գալստյան
