17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Լիբանանում բողոքի ակցիաները շարունակվում են. Միշել Աունը ցուցարարների հետ հանդիպման պատրաստակամություն է հայտնել
Քաղաքականություն
24.10.2019 | 21:26
Լիբանանում ութերորդ օրն է՝ շարունակվում են բողոքի ակցիաներն ու գործադուլները: Ցուցարարները պահանջում են կենսապայմանների բարելավում և կոռուպցիայի դեմ պայքար: Այս մասին գրում է ՍԱՆԱ-ն:
Այսօր վաղ առավոտից ցուցարարները կրկին հավաքվել են մայրաքաղաք Բեյրութի կենտրոնում և այլ շրջաններում՝ փակելով գլխավոր ճանապարհները, այդ թվում՝ դեպի միջազգային օդանավակայան տանող մայրուղին, ինչպես նաև երկրի մնացյալ շրջանների հետ մայրաքաղաք կապող թունելները:
Անվտանգության ուժերն ու զինվորականները փորձում են բացել ճանապարհները:
Երկրում բողոք ցույցերի պատճառով չեն աշխատում մի շարք դպրոցներ, բանկեր, մասնավոր ձեռնարկություններ, իսկ Սաիդայում, Տիրում, Ան-Նաբաթիայում, Տրիպոլիում, ինչպես նաև Բեքաայում և Աքքարում երթևեկությունը կաթվածահար է եղել:
Մինչ այդ, Լիբանանի նախագահ Միշել Աունը ցուցարարների ներկայացուցիչների հետ հանդիպման պատրաստակամություն է հայտնել:
«Կառուցողական երկխոսությունը երկիրը փրկելու լավագույն ուղին է: Ես օատրաստ եմ հանդիպել ցուցարարների հետ և լսել նրանց պահանջները, ինչպես նաև ներկայացնել իմ դիրքորոշումը»,- ժողովրդին ուղղված տեսաուղերձում ասել է Աունը, որը հեռարձակվել է Al Mayadeen հեռուստաալիքով:
Նախագահը նշել է, որ երկրի քաղաքական համակարգ զարգացման կարիք ունի. «Սակայն բարեփոխումները մշակվում են ոչ թե հրապարակներում, այլ սահմանադրական ինստիտուտներում»:
