24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Գյուղատնտեսության նախարարը՝ մսի թանկացման մասին
Տնտեսություն
04.10.2017 | 17:57
ՀՀ գյուղատնտեսության նախարար Իգնատի Առաքելյանը կարծում է, որ որոշ մթերքների կտրուկ թանկացումը պայմանավորված է շուկայի պահանջարկով: Նախարարն այսօր խորհրդարանում լրագրողների հետ զրույցում ասաց՝ շուկայի պահանջարկը ձևավորում է գինը:
Լրագրողների դիտարկմանը՝ գուցե անասունների քանա՞կն է պակասել և դրանով է պայմանավորված մսի թանկացումը, նախարարը չհամաձայնեց. «Չկա այդպիսի բան, գլխաքանակն այդքան չի պակասել, որ դա ազդի գնի վրա: Կա արտահանում, արտահանվել է ընդամենը 12 հազար լրացուցիչ խոշոր եղջերավոր կենդանի, որը չէր կարող ազդել մսի գնի վրա: Բայց դա կարող էր մի իրավիճակ ստեղծել, որի արդյունքում գինը թանկանար, այսինքն՝ վաճառողը որոշեր՝ քանի որ պահանջարկ կա, բերեք գինը թանկացնենք»:
Բացի այդ, նախարարը նշեց՝ շուկայում 30 տոկոսով խոտի գնի թանկացումը ևս կարող էր հանգեցնել մսի գնի թանկացման:
Մանրամասները՝ տեսանյութում:
Շողիկ Գալստյան
