22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Լևոն Ալթունյանը՝ պետական միջոցները սեփական ընկերությանը ուղղելու մասին
Քաղաքականություն
04.10.2017 | 17:27
ՀՀ առողջապահության նախարար Լևոն Ալթունյանը հերքում է մամուլում շրջանառվող լուրերը, որ սոցիալական փաթեթով առողջության ապահովագրության պայմանագրերի հիմնական բաժինը կնքվել է իրեն պատկանող «Ինգո Արմենիա» ընկերության հետ:
«Կա համակարգչային բանաձև, և համակարգիչն է բաշխում հաճախորդներին: Ընդ որում` ամենաշատն «Ինգո Արմենիան» չէ էդ հարցում»,- խորհրդարանում լրագրողների հետ զրույցում ասաց ՀՀ առողջպահության նախարար Լևոն Ալթունյանը:
Ի դեպ, նախարարը հիշեցրեց՝ ապահովագրական ընկերության բաժնետոմսերի 25 տոկոսն է միայն իրեն պատկանում, որն էլ հանձնել է հավատարմագրային կառավարման:
Հիշեցնենք՝ հոկտեմբերի 1-ից ուժի մեջ է մտել սոցփաթեթի շահառուների բժշկական օգնության և սպասարկման նոր կարգը, որի համաձայն՝ Առողջապահության նախարարությունը սոցիալական փաթեթի շահառուների համար ձեռք է բերում առողջության ապահովագրության պայմանագրեր:
Շրջանառվող լուրերի համաձայն` պայմանագրերի մեծ մասը բաժին է ընկել «Ինգո Արմենիա» ապահովագրական ընկերությանը, որը պատկանում է Լևոն Ալթունյանին:
Մանրամասները՝ տեսանյութում:
Շողիկ Գալստյան
