09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Սոչիում կնքված համաձայնագիրը մեծ արձագանք է գտել բրիտանական մամուլում
Քաղաքականություն
23.10.2019 | 20:42
Թուրքիայի և Ռուսաստանի միջև Սոչիում կնքված համաձայնագիրը մեծ արձագանք է գտել բրիտանական մամուլում, գրում է ermenihaber-ը:
Բրիտանական «Daily Telegraph» թերթը գրել է, որ Ռուսաստանը Սիրիայի հյուսիս-արևելքում արագորեն զբաղեցրել է ԱՄՆ-ի տեղը:
«Daily Telegraph»-ը հետևյալ կերպ է վերնագրել լուրը. «Թուրքիան և Ռուսաստանը Սիրիայում ռազմագործողությունը դադարեցնելու ձևով են համաձայնության եկել»:
Նշվում է, որ Էրդողանի և Պուտինի միջև կնքված համաձայնագրով քրդերը հեռանալու են Քոբանիի և Թել Ռըֆաթի շրջաններից: Թերթը նկատել է տալիս, որ Թուրքիան 1 տարուց ավել է, ինչ դա է պահանջում:
Իսկ բրիտանական ազդեցիկ «Guardian» թերթը լուրի վերնագրում ընդգծել է. «Էրդողանը և Պուտինը համաձայնել են բուֆերային գոտի ձևավորել, որը կկանգնեցնի քրդերի դեմ Թուրքիաի հարձակումը»:
«Guardian»-ի փոխանցմամբ` Անկարան գոհ կլինի, որ Մոսկվան համոզի Դամասկոսին, որպեսզի Սիրիայի հյուսիս-արևելքում Թուրքիան ավելի շատ տարածքների վրա վերահսկողություն սահմանի:
«Պարզվում է, որ Մոսկվան սրա դիմաց թուրքական պատվիրակությունից երաշխիքներ է ստացել, որպեսզի (Թուրքիան) հարգի Սիրիայի ինքնիշխանությունն ու տարածքային ամբողջականությունը»,-գրել է թերթը:
