04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Լիբանանում բողոքի ակցիաներ են նոր հարկերի և տնտեսական իրավիճակի վատթարացման դեմ
Քաղաքականություն
18.10.2019 | 17:48
Լիբանանի տարբեր շրջաններում՝ մայրաքաղաք Բեյրութում, Սաիդայում, Բեքաայում, Տրիպոլիում բողոքի ակցիաներ են, որոնք պատճառը երկրում տնտեսական իրավիճակի վատթարացումն է: Փակ են բանկերը, դպրոցները, համալսարանները, պետական հաստատությունները: Այս մասին գրում է ՍԱՆԱ գործակալությունը:
Աղբյուրի փոխանցմամբ՝ ցուցարարները ճանապարհներ են փակում, անվադողեր են այրում՝ ի նշան բողոքի նոր հարկեր սահմանելու՝ կառավարության որոշման դեմ: Բեյրութում ցուցարարները փորձել են գրոհել կառավարության շենքը, սակայն անվտանության ուժերը կոշտ դիմակայել են՝ ակցիայի մասնակիցներին ցրելու ընթացքում նաև արցունքաբեր գազ կիրառելով:
Լիբանանյան աղբյուրների հաղորդմամբ՝ Ռիադ Աս-Սոլհ հրապարակում հրդեհվախ շենքում երկու օտարերկրյա աշխատողներ են խեղդվել:
Կարմիր խաչի լիբանանյան կոմիտեի գլխավոր քարտուղար Ժորժ Կատանան հաղորդել է, որ 22 մարդ հոսպիտալացվել է, ևս 70 ցուցարար և իրավապահ բուժօգնություն է ստացել տեղում:
Այսօր առավոտյան երկրի բոլոր հիմնական մայրուղիները փակվել են:
