07.05.2024 | 09:32
Տեսանյութում պատկերված անձը Հայաստանի հատուկ նշանակության ստորաբաժանման զինծառայող է․ ՀՀ ՊՆ-ն պարզաբանում է տարածել
Կանադան ևս կասեցրել է զենքի վաճառքը Թուրքիային
Քաղաքականություն
16.10.2019 | 11:48
Սիրիայի հյուսիսում քրդերի դեմ Թուրքիայի նախաձեռնած ռազմագործողության պատճառով մի շարք երկրներ դադարեցրել են զենքի մատակարարումը Թուրքիային: Զենքի վաճառքի կասեցման մասին վերջին հայտարարությունն արել է Կանադան. փոխանցում է ermenihaber-ը:
Կանադայի արտգործնախարարության հայտարարության մեջ նշվել է, որ կառավարության որոշմամբ այլևս արտոնագիր չի տրվի որևէ զինատեսակ Թուրքիային վաճառելու համար:
Թուրքիայի գործողությունները դատապարտող Կանադայի ԱԳՆ-ի հայտարարության մեջ մասնավորապես ասվում է. «Այս միակողմանի գործողությունը կացնահարում է այդ տարածաշրջանի փխրուն կայունությունը, վատացնում է հումանիտար իրավիճակը և ստվերում է ԻՊ-ի դեմ պայքարում այն կոալիցիայի հաջողությունները, որի անդամ է նաև Թուրքիան»:
Կանադայի ԱԳՆ-ի հրապարակած տեղեկության համաձայն՝ 2018-ին Թուրքիային 87 մլն կանադական դոլարի զինտեխնիկա է վաճառվել:
Հիշեցնենք, որ Սիրիայի հյուսիսում Թուրքիայի կողմից քրդերի դեմ նախաձեռնված «Խաղաղության ակունք» անվանումով ռազմագործողությունից ի վեր Թուրքիային զենքի վաճառքը կասեցնելու որոշում են կայացրել Ֆրանսիան, Գերմանիան, Նորվեգիան, Չեխիան, Ֆինլանդիան ու Հոլանդիան:
