04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Մեր անվտանգության հարցը լուծված չէ. Սեդա Սաֆարյան. ՏԵՍԱՆՅՈՒԹ
Հասարակություն
15.10.2019 | 14:09
Ռոբերտ Քոչարյանի և մյուսների գործով այսօրվա նիստի ավարտից հետո Factor.am-ի հետ զրույցում Սեդա Սաֆարյանն ասաց, թե ինչ հայտարարությամբ էր ցանկանում հանդես գալ դատարանում։
Նա ասաց, որ իր հայտարարությամբ դատարանին հորդորելու էր միջոց ձեռնարկել՝ պարզելու, թե ինչու է Ռոբերտ Քոչարյանը յոթ օր հիվանդանոցում, քանի որ նման վիրահատությունից հետո մեկ-երկու օրում ուղարկում են տուն կամ քրեակատարողական հիմնարկ. «Չլիներ Սեյրան Օհանյանի գործոնը, որ ՀՀ-ից բացակայելու է առողջական նպատակներով, մենք մեր նիստերը պետք է հարմարեցնեինք Ռոբերտ Քոչարյանի աշխատանքային գրաֆիկի՞ն, թե՞ բնականոն հունով գնայինք: Այս արհեստական ձգձգումների նպատակն այն է, որ կամ ՍԴ-ից, կամ ուրիշ տեղից մի փաստաթուղթ ներկայացնեն: Եթե ոչ, ապա Ռոբերտ Քոչարյանի պաշտպաններն իրենք շահագրգռված կլինեին, որ գործն արագ ընթանար, քանի որ նա կալանքի տակ է»:
Factor.am-ի հարցին, թե լուծվեց արդյոք տուժողների ներկայացուցիչների անվտանգության հարցը, Սաֆարյանն ասաց, որ ոչ այդ ուղղությամբ որևէ քայլ չի ձեռնարկվել։
Մանրամասները՝ տեսանյութում։
Լիլիթ Շաբոյան
