28.11.2024 | 19:52
«Ես կանկրետնի առաջադրվելու եմ, դանակը օսկորին է հասել»․ Վարդան Ղուկասյան
ԵՄ-ն Սիրիայից փախստականների նոր հոսքի մտավախություն ունի. Լյուքսեմբուրգում անդրադարձ կլինի Թուրքիայի գործողություններին
Քաղաքականություն
11.10.2019 | 18:09
Եվրամիությունը մտավախություն ունի, որ Սիրիայում Թուրքիայի ռազմական գործողությունը կհանգեցնի արաբական այդ երկրից փախստականների նոր հոսքի: Այս մասին Բրյուսելում լրագրողներին է հայտնել ԵՄ ներկայացուցիչը, գրում է ՏԱՍՍ-ը:
«Մենք մեծ մտավախություն ունենք, որ դա կխաթարի քաղաքական գործընթացը և կհանգեցնի փախստականների նոր հոսքի», – ասել է նա:
Նա հաստատել է, որ ԱԳ նախարարները Լյուքսեմբուրգում կքննարկեն Սիրիայում Թուրքիայի գործողությունները։ «Նախարարները, ինչպես սպասվում է, շատ հստակ ազդանշան կուղարկեն Թուրքիային ՝ միակողմանի ռազմական գործողությունները դադարեցնելու կոչով»,- ընդգծել է նա:
Հարցին՝ Լյուքսեմբուրգում կայանալիք ԵՄ անդամ պետությունների ԱԳ նախարարների առաջիկա հավաքի ժամանակ քննարկվելո՞ւ են Անկարայի դեմ պատժամիջոցները, ԵՄ ներկայացուցիչը պատասխանել է. «Այն, ինչ պետք է արվի, երկուշաբթի կքննարկեն նախարարները: Ես չեմ ուզում կանխատեսել նախարարների քննարկումը, նրանք այդ հարցը կլուծեն» ։
Հոկտեմբերի 9-ին, հիշեցնենք, Թուրքիան հայտարարել է Սիրիայի հյուսիսում «Խաղաղության աղբյուր» գործողության մեկնարկի մասին: Այն սկսվել է քրդական կազմավորումների դիրքերի ուղղությամբ Թուրքիայի ռազմաօդային ուժերի ավիահարվածներով: Գործողության նպատակը Սիրիայի հյուսիսում անվտանգության գոտի ստեղծելն է, որը, ըստ Անկարայի, պետք է պաշտպանիչ գոտի դառնա թուրքական սահմանի համար։
Սիրիական ՍԱՆԱ գործակալությունը թուրքական ռազմական գործողությունն ագրեսիա է անվանել, Անկարայի գործողությունները դատապարտել է նաև միջազգային հանրությունը:
