27.09.2026 | 12:36
ՏԻՄ ընտրությունների շրջանակում շրջիկ սպասարկման գրասենյակները ծառայություններ են մատուցում Լոռու և Կոտայքի մարզերում
Սաուդյան Արաբիայի ափերի մոտ իրանական լցանավի վրա պայթյուն է որոտացել
Քաղաքականություն
11.10.2019 | 13:25
Կարմիր ծովում իրանական լցանավի վրա պայթյուններ են տեղի ունեցել, ինչից հետո հրդեհ է բռնկվել: Իրանական ազգային նավթային ընկերությունից հայտնել են, որ խոսքը, ամենայն հավանականությամբ, ահաբեկչական ակտի մասին է: Այս մասին գրում է «Կոմերսանտը»՝ վկայակոչելով ISNA-ն:
Լրատվամիջոցների տեղեկություններով՝ դեպքը տեղի է ունեցել վաղ առավոտյան, սաուդյան Ջիդդա նավահանգստից ոչ հեռու:
Պայթյունի հետևանքով նավի հիմնական պահուստարաններից երկուսը վնասվել են, նավը Կարմիր ծով է հոսել: Նշվում է, որ լցանավի անձնակազմի անդամները չեն վնասվել:
Նավի սեփականատեր ընկերությունում հաղորդել են հինգ պայթյունի մասին: Այստեղ ենթադրում են, որ լցանավի վրա երկու հրթիռ է արձակվել:
Նշենք, որ ամռան սկզբից տարածաշրջանում լցանավերի վրա հարձակումները հաճախակի են դարձել: Հունիսին նորվեգական և ճապոնական ընկերությունների պատկանող երկու լցանավեր աղետի էին ենթարկվել Օմանի ծոցում՝ Իրանի ափերի մոտ: Երկուսն էլ հարձակման էին ենթարկվել, որի համար ԱՄՆ-ն մեղադրել էր Իրանին:
