04.08.2026 | 17:58
Հայկ Կոնջորյանի կինը պարզաբանումներ է ներկայացրել «Հայփոստ»-ում իր աշխատանքի մասին
Իրանը չի պատրաստվում միջուկային զենք ստեղծել, իսլամն արգելում է դա. այաթոլլա Խամենեի
Քաղաքականություն
09.10.2019 | 19:48
Իրանի գերագույն հոգևոր առաջնորդ այաթոլլա Ալի Խամենեին հայտարարել է, որ Իրանը չի պատրաստվում միջուկային զենք ստեղծել, քանի որ իսլամն արգելում է դա: Այս մասին գրում է ԻՌՆԱ-ն:
«Ըստ իսլամի՝ միջուկային զենքի օգտագործումը մեղք է: Դրա համար նման զենք պահելու որևէ նպատակ չկա, ինչի օգտագործումը խիստ արգելված է իսլամում»,- նշել է Խամենեին:
Գերագույն առաջնորդի խոսքով՝ միջուկային զենքը վերածվել է խաղաղության և մարդկության սպառնալիքի:
Նշենք, որ հունիսին Ճապոնիայի վարչապետ Սինձո Աբեի հետ հանդիպման ժամանակ նա դարձյալ հայտարարել էր Իսլամական Հանրապետության այդ դիրքորոշման մասին:
«Մենք դեմ ենք միջուկային զենքին, իմ ֆեթվան արգելել Է միջուկային զենքի ստեղծումը։ Բայց իմացեք, որ եթե մենք նպատակ ունենայինք միջուկային զենք ստեղծել, ԱՄՆ-ն ոչինչ չէր կարող անել: ԱՄՆ-ի կողմից արգելքը չէր խանգարի»,- ասել էր Ալի Խամենեին։
