15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Դատարանը պատասխանը կտա՝ Խաչատուրովը ժամանակին եղե՞լ է տեղում, թե՞ բիլիարդ է խաղացել․ ԳՇ պետ. ՏԵՍԱՆՅՈՒԹ
Հասարակություն
08.10.2019 | 18:30
2016 թվականի ապրիլյան պատերազմին ԶՈՒ գլխավոր շտաբի այդ ժամանակվա պետ Յուրի Խաչատուրովի մասնակցության վերաբերյալ ոչ մի ցուցմունք չի եղել, ինչպես մամուլն է գրում: Այսօր լրագրողների հետ հանդիպմանն ասաց ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը:
«Ցուցմունք չի եղել, քանի որ ես տեղեկանք եմ տրամադրել: Այն, ինչ-որ իրականությունն է եղել»,- ասաց նա։
Հարցին՝ Յուրի Խաչատուրովն այդ օրը ժամանակին տեղո՞ւմ է եղել, Արտակ Դավթյանը պատասխանեց. «Դատարանը հարցերի պատասխանը կտա՝ ինքը ժամանակին եղե՞լ է տեղում, թե՞ բիլիարդ խաղալուց է եղել և այլն: Ես մանրամասներին չեմ տիրապետում, քանի որ տվյալ տեղեկանքը տրվել էր մեկ տարուց էլ ավելի ժամանակահատվածում՝ մեկ կամ մեկուկես տարի առաջ, գործընթացը նոր չէ, ուղղակի նոր է ի հայտ գալիս: Գալու կամ չգալու հետ կապված՝ ոչ թե կախված է իմ տեղեկանքից, ամբողջ մի ծառայություն է նախատեսված՝ սկսած անցագրային կետից, երբ ֆիքսվում է օպերատիվ հերթապահով, պաշտոնատար անձանցով: Այնպես որ՝ մեկ կամ երկու հոգի իրենց ցանկությամբ չեն կարող ասել՝ եկել է, թե չի եկել, ֆիքսվում է»:
Մանրամասները՝ տեսանյութում:
