Ակնհայտ է՝ մարտի 1-ի գործը չի տալու գլխավոր հարցի պատասխանը՝ ո՞վ է մեղավոր 10 մարդու կյանքից զրկելու համար. հայտարարություն

«Ռոբերտ Քոչարյանի Ոչ պաշտոնական կայք»  ֆեյսբուքյան էջը հայտարարություն է տարածել, որում ասված է.

«Հայաստանի դատաիրավական համակարգի, դատավորների և Սահմանադրական դատարանի հանդեպ իրականացվող բիրտ ճնշումները խորը մտահոգության տեղիք են տալիս:

Ցավով արձանագրում ենք, որ ՀՀ վարչապետը, իշխող քաղաքական ուժը, հայտարարելով ժողովրդավարական արժեքներին հավատարմության, դատաիրավական համակարգի անկախության ապահովման, երկրում քաղաքական հետապնդումները բացառելու մասին, իրականում առաջնորդվում են բոլորովին այլ շարժառիթներով։ Ազգային-պետական շահերը հակադրվում են նեղ անձնական ու քաղաքական նպատակներին։

Ակնհայտ է՝ մարտի 1-ի դատաքննության փուլում գտնվող գործը չի տալու գլխավոր հարցի պատասխանը՝ ո՞վ է մեղավոր 10 մարդու կյանքից զրկելու համար։ Սա մարտի 1-ի գործ չէ, այլ ԼՂՀ առաջին և ՀՀ երկրորդ նախագահի հանդեպ քաղաքական հալածանք, ցանկացած գնով նրան անազատության մեջ պահելու սևեռում։ ՍԴ համապատասխան որոշման անտեսումը ընդհանուր իրավասության դատարանի կողմից, ինչը մեր պետության իրավակարգի կոպտագույն ոտնահարում էր, ոչ միայն անպատիժ մնաց, այլև ողջունվեց իշխանությունների կողմից։ Այս ամենը մեզ այլ բան չի թողնում, քան հստակ արձանագրել, որ նախագահ Քոչարյանը, ըստ էության, քաղբանտարկյալ է։ Ավելին․ վերջին օրերի կալանավորումներն ազդակ դարձան առ այն, որ իշխանություններն իրենց տարատեսակ նպատակներին հասնելու համար կանգ չեն առնելու ոչ մի բանի առաջ և ունակ են դիմել ռեպրեսիաների դատապարտելի միջոցին։

Այս ոչ իրավական գործընթացը մեր պետության վարկի խնդիր չէ միայն․ արդեն այսօր այն բախում է շատ-շատերի դուռը։ Մարտի 1-ի ուղղորդվող գործով արդեն իսկ փորձ է արվում վարկաբեկել նաև մեր երկրի բանակաշինության և անվտանգության ապահովման հարցում անգնահատելի ավանդ ունեցող զինվորականներին և հրամանատարներին։ Վստահ ենք՝ կատարվողը մի կողմից ՄԻԵԴ վճիռների, միջազգային կազմակերպությունների, բարեկամ երկրների դատապարտող գնահատականների առարկա է դառնալու, մյուս կողմից՝ շարունակելու է պառակտել մեր հասարակությանը։

Մենք՝ ներքոստորագրյալներս, իշխանություններին կոչ ենք անում դադարեցել այս հակասահմանադրական գործընթացը, զերծ մնալ հակապետական գործողություններից։

Կոչ ենք անում դատավորներին՝ հավատարիմ մնալ սահմանադրությամբ իրենց վերապահված՝ արդարադատություն իրականացնելու առաքելությանը, փոխել Ռոբերտ Քոչարյանի խափանման միջոցը։ Հակառակ դեպքում պատասխանատվությունն անխուսափելի է լինելու:
Վստահ ենք՝ նախագահ Քոչարյանի ազատ արձակումը համախմբվելու, հասարակական համերաշխությունը վերականգնելու ազդակ կդառնա։ Հայաստանն այսօր ավելի, քան երբևէ կարիք ունի արդարության և ներքին համերաշխության։

Երկրի ապագայի համար հանձնառու քաղաքական ուժերին, անհատներին, հանրությանը կոչ ենք անում համախմբվել ազգային իրական օրակարգերի շուրջ: Եթե չսթափվենք, հայկական երկու պետությունների անվտանգությունը լուրջ սպառնալիքի տակ է հայտնվելու:

Հայտարարությունը ստորագրել են /այբբենական կարգով/՝

1. Արա ԱԲՐԱՀԱՄՅԱՆ – հունահռոմեական ոճի ըմբշամարտի աշխարհի երկակի չեմպիոն, Օլիմպիական խաղերի մեդալակիր,
2. Սարգիս ԱՎԵՏԻՍՅԱՆ – «Համերաշխություն» կուսակցության նախագահ,
3. Մանվել ԲԱԴԱԼՅԱՆ – ՀՀ քաղաքացիական ծառայության խորհրդի նախկին նախագահ, «Հանրային ծառայության արժանիքային համակարգի պաշտպա-նության կենտրոն» ՀԿ նախագահ,
4. Զորի ԲԱԼԱՅԱՆ – Արցախի Հերոս, գրող, հրապարակախոս,
5. Վիտալի ԲԱԼԱՍԱՆՅԱՆ – Արցախի Հերոս, գեներալ-լեյտենանտ,
6. Ալվարդ ԲԱՐԽՈՒԴԱՐՅԱՆ – լրագրող,
7. Երվանդ ԲՈԶՈՅԱՆ – քաղաքագետ, «Պոլիտէկոնոմիա» հետազոտական ինստիտուտի քաղաքական մեկնաբան,
8. Վարդան ԲՈՍՏԱՆՋՅԱՆ – տնտեսագիտական գիտությունների դոկտոր, պրոֆեսոր,
9. Ժաննա ԳԱԼՍՏՅԱՆ – Արցախի Հերոս, ԱՀ ԱԺ պատգամավոր,
10. Արայիկ ԳԵՎՈՐԳՅԱՆ – ազատ ոճի ըմբշամարտի աշխարհի եռակի չեմպիոն,
11. Գևորգ ԳԵՎՈՐԳՅԱՆ – քաղաքական գործիչ, Արցախյան պատերազմի ազատամարտիկ,
12. Ժիրայր ԴԱԴԱՍՅԱՆ – Երևանի մնջախաղի պետական թատրոնի գեղարվեստական ղեկավար, ՀՀ արվեստի վաստակավոր գործիչ,
13. Անուշավան ԴԱՆԻԵԼՅԱՆ – ԼՂՀ նախկին վարչապետ,
14. Ռազմիկ ԴԱՎՈՅԱՆ – բանաստեղծ, հասարակական գործիչ,
15. Արա ԴԵՂՏՐԻԿՅԱՆ – դերասան, ՀՀ վաստակավոր արտիստ,
16. Լիլիթ ԹՈՒՄԱՆՅԱՆ – «Արմնյուզ FM» ռադիոընկերության տնօրեն,
17. Անդրանիկ ԹԵՎԱՆՅԱՆ – «Պոլիտէկոնոմիա» հետազոտական ինստիտուտի տնօրեն,
18. Գառնիկ ԻՍԱԳՈՒԼՅԱՆ – «Ազգային անվտանգություն» կուսակցության նախագահ,
19. Ռուբեն ՀԱԿՈԲՅԱՆ – քաղաքական վերլուծությունների «Ակունք» կենտրոնի տնօրեն,
20. Արամ ՀԱՐՈՒԹՅՈՒՆՅԱՆ – «Ազգային համաձայնություն» կուսակցության նախագահ,
21. Դավիթ ՀԱՐՈՒԹՅՈՒՆՅԱՆ – «Լույս» հիմնադրամի տնօրեն, ՀՀ արդարադատության նախկին նախարար,
22. Խոսրով ՀԱՐՈՒԹՅՈՒՆՅԱՆ – Հայաստանի ՔԴՄ նախագահ, ՀՀ նախկին վարչապետ, ՀՀ ԱԺ նախկին նախագահ,
23. Հրաչյա ՀԱՐՈՒԹՅՈՒՆՅԱՆ – դերասան, ՀՀ պետական մրցանակի դափնեկիր, ՀՀ վաստակավոր արտիստ,
24. Սպարտակ ՂԱՐԱԲԱՂՑՅԱՆ – Համազգային Հայ Կրթական և Մշակութային Միություն Հիմնադրամի նախագահ, գրող, հրապարակախոս,
25. Միհրդատ ՄԱԴԱԹՅԱՆ – գիտնական-հոգեբան,
26. Ալեքսանդր ՄԱՆԱՍՅԱՆ – ՀՀ ԳԱԱ թղթակից անդամ, փիլիսոփայական գիտությունների դոկտոր, պրոֆեսոր,
27. Ռոբերտ ՄԵԼՔՈՆՅԱՆ – «ՎԵՏՕ» նախաձեռնության անդամ,
28. Աշոտ ՄԻՆԱՍՅԱՆ – ազատամարտիկ, պետական գործիչ,
29. Օգսեն ՄԻՐԶՈՅԱՆ – ծանրամարտիկ, Օլիմպիական չեմպիոն,
30. Դավիթ ՇԱՀՆԱԶԱՐՅԱՆ – Արտակարգ և լիազոր դեսպան, 1992-95թթ․ ՀՀ Նախագահի հատուկ հանձնարարություններով դեսպան, 1994-95թթ․ ՀՀ ԱԱԾ ղեկավար,
31. Դավիթ ՍԱՀԱԿՅԱՆՑ – ռեժիսոր-մուլտիպլիկատոր, ՀՀ մշակույթի վաստակավոր գործիչ,
32. Ալվարդ ՊԵՏՐՈՍՅԱՆ – գրող, հրապարակախոս, ՀՀ մշակույթի վաստակավոր գործիչ,
33. Գեորգի ՊՈՂՈՍՅԱՆ – բժիշկ, Մխիթար Հերացու անվան բժշկական համալսարանի մանկաբարձության և գինեկոլոգիայի ամբիոնի դոցենտ,
34. Աղվան ՎԱՐԴԱՆՅԱՆ – քաղաքական գործիչ,
35. Մերուժան ՏԵՐ-ԳՈՒԼԱՆՅԱՆ – գրող, հրապարակախոս,
36. Կոնստանտին ՏԵՐ-ՆԱԿԱԼՅԱՆ – BlogNews կայքի գլխավոր խմբագիր։

Հայտարարությունը բաց է միանալու համար։