27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
Հարձակում Փարիզում. 4 ոստիկան է սպանվել
Քաղաքականություն
03.10.2019 | 21:14
Փարիզի ոստիկանության կենտրոնական վարչությունում անհայտ անձը հարձակվել է ոստիկանների վրա: Վերջին տվյալներով՝ 4 ոստիկան է մահացել: Այս մասին գրում է BBC-ի ռուսական ծառայությունը:
BFMTV հեռուստաալիքը հայտնում է, որ մահացածներից 3-ը տղամարդ է, 1-ը՝ կին: Ըստ տեղեկությունների՝ հարձակվողն աշխատում էր Ոստիկանության վարչությունում: Նա էլ սպանվել է Ոստիկանության այլ աշխատակցի կողմից:
Հարձակումը տեղի է ունեցել վարչական շենքի այնպիսի հատվածում, որն անհասանելի է հանրության համար: Արհմիության ներկայացուցչի խոսքով՝ ոստիկանը, հավանաբար, խելագարվել էր: Ֆրանսիական մամուլը գրում է, որ հարձակվողը 45 տարեկան էր և աշխատում էր ոստիկանությունում արդեն 20 տարի:
Ֆրանսիայի վարչապետը և ներքին գործերի նախարարն այցելել են դեպքի վայր:
Հարձակումը տեղի է ունեցել ֆրանսիացի ոստիկանների գործադուլից 1 օր անց, որն ուղղված է բռնության դեմ, որոնց զոհ են դառնում հենց իրենք՝ ոստիկանները, ինչպես նաև աշխատանքային վատ պայմանների և ինքասպանության, ինչի թվի աճ է նկատվում իրենց շարքերում:
Ոստիկանները սպանվել են իրենց աշխատասենյակներում, իսկ մեկը՝ շենքի բակում, որտեղ էլ կրակել են հարձակվողի վրա:
Անվտանգության նկատառումներից ելնելով՝ մետրոյի մոտակա Cité կայարանը փակվել է: Դեպքի վայրը շրջափակված է:
