03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
ԼՂ հիմնախնդրի կարգավորման քաղաքական գործընթացն արգելակված է. Լավրով
Քաղաքականություն
02.10.2019 | 21:56
Լեռնային Ղարաբաղի հիմնախնդրի կարգավորման քաղաքական գործընթացն արգելակված է: ՏԱՍՍ-ի փոխանցմամբ՝ այս մասին հայտարարել է ՌԴ ԱԳ նախարար Սերգեյ Լավրովը:
«Վերջին շրջանում շփման գծում իրավիճակը բավական հանգիստ է, միջադեպերը քիչ են, և դրանք խոշոր չեն: Տեղի է ունեցել զոհվածների դիերի փոխանակում, պատրաստվում է պահվող անձանց փոխանակում… ԵԱՀԿ Միսկի խմբի համանախագահները՝ ՌԴ-ն, Ֆրանսիան և ԱՄՆ-ն, սերտորեն աշխատում են, այս տարի արդեն երեք անգամ հանդիպել են, կարծեմ, ԱԳ նախարարների հետ, այդ թվում՝ ապրիլին՝ Մոսկվայում, իմ մասնակցությամբ»,- ասել է նա:
Լավրովի խոսքով, սակայն, քաղաքական գործընթացն արգելակված է. «Եվ առայժմ այդ արգելակից հանել չի հաջողվում»:
Նա նշել է նաև, որ կողմերն անում են լուրջ հայտարարություններ, որոնք չեն օգնում քաղաքական գործընթացի մթնոլորտ ստեղծել:
«Մենք ունենք բազային փաստաթղթեր, ցանկանում ենք այդ բազային սկզբունքների հիման վրա, որոնք բազմիցս քննարկվել են, հանգուցալուծում գտնել: Բայց հանգուցալուծում պետք է գտնել, իհարկե, ուղիղ երկխոսության միջոցով»,- ասել է ռուսաստանցի դիվանագետը:
Նա հավելել է, որ շփումներ կան, բայց կարգավորման հարցով երկխոսությունը դեռևս չի վերականգնվել:
