03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Նվազագույն աշխատավարձն աղերս չունի իրականության հետ, գործատուները գրում են մի աշխատավարձ, տալիս՝ ավելին. Մանե Թանդիլյան. ՏԵՍԱՆՅՈՒԹ
Քաղաքականություն
02.10.2019 | 13:23
Ինձ համար տարօրինակ է, երբ քննարկվում է, թե ո՞րն է նվազագույն աշխատավարձի ամենանպատակահարմար թիվը: Կենսապահովման նվազագույն զամբյուղի և բյուջեի մասին օրենք կա, որտեղ հստակ նշված է, թե ինչու պետք է նվազագույն աշխատավարձը կազմի այդ բյուջեի համամասնությունը: Նվազագույն աշխատավարձի բարձրացման նախաձեռնության քննարկման ժամանակ այս մասին ասաց ԼՀԿ խմբակցության պատգամավոր Մանե Թանդիլյանը:
«Ավելին՝ այդ մասին պետք է ՀՀ բյուջեն արտացոլանք ունենա: Ոչ միայն նոր հայտնագործություններ անելու կարիք չունենք, այլև բարի կամքի դրսևորում չէ, երբ վերանայում ենք նվազագույն աշխատավարձի շեմը»,- հայտարարեց Թանդիլյանը:
Նրա խոսքով՝ իրականությունն այն է, որ նվազագույն աշխատավարձն աղերս չունի իրականության հետ, երբ գործատուներն ուղղակի գրում են աշխատավարձ, տալիս են ավելի կամ պակաս:
«Հետևաբար՝ այստեղ գործ ունենք վերահսկելու, թե որքանով են իրական աշխատավարձերը արտացոլված մեր տնտեսության մեջ: Նվազագույն աշխատավարձի ազդեցությունը կլինի այն պարագայում, երբ մեր բոլոր իրական աշխատավարձերն են գրանցված և հարկվում»,- ասաց Թանդիլյանը:
Մանրամասները՝ տեսանյութում:
