05.11.2024 | 12:09
ԱԳՆ-ն հաստատում է՝ Ադրբեջանի դեսպանը սպառնացել է ՀՀ դեսպանին, Կիևը պատրաստ է Մոսկվայի հետ բանակցել. ԼՈՒՐԵՐ
ԱԺ-ն մի շարք օրինագծեր ընդունեց, այդ թվում՝ «Հայփոստը» մասնավորեցման ծրագրի ցանկից հանելու նախագիծը՝ առաջին ընթերցմամբ. ՏԵՍԱՆՅՈՒԹ
Քաղաքականություն
02.10.2019 | 11:15
ՀՀ Ազգային ժողովի այսօրվա նիստի մեկնարկին պատգամավորները նախօրեին քննարկված մի շարք օրենքների նախագծեր ընդունեց:
Առաջին ընթերցմամբ ընդունվեց նաև Կառավարության կողմից ներկայացված «Պետական գույքի մասնավորեցման 2017-2020 թթ. ծրագրի մասին» ՀՀ օրենքում փոփոխություններ կատարելու մասին օրենքի նախագիծը:
Այս օրինագծով, հիշեցնենք, առաջարկում է մասնավորեցման ցանկից հանել «Հայփոստ» և «Էներգաիմպեքս» փակ բաժնետիրական ընկերությունները:
Եվս մեկը՝ ԱԺ «Բարգավաճ Հայաստան» խմբակցության անդամ Արման Աբովյանի կողմից ներկայացված «Ազգային ժողովի կանոնակարգ» օրենքում փոփոխություն կատարելու մասին նախագիծը հաջողվեց ընդունել քվեարկության երկրորդ փորձից միայն:
ԱԺ նախագահ Արարատ Միրզոյանը նախ հիշեցրեց, որ քվեարկության դրվող հարցը սահմանադրական օրենքում առաջարկվող փոփոխություն է, ուստի նախագիծը պետք է ընդունվի պատգամավորների ընդհանուր թվի ձայների առնվազն 3/5-ով:
Քվեարկությունից հետո Արարատ Միրզոյանը հայտարարեց, որ որոշումը չի ընդունվել, քանի որ դրան կողմ է քվեարկել 76 պատգամավոր: Պարզվեց, սակայն, որ որոշ պատգամավորների քվեարկությունը չի արտացոլվել:
Երկրորդ անգամ քվեարկության արդյունքում, ձայների 81 կողմ, 4 դեմ և 23 ձեռնպահ հարաբերակցությամբ, օրինագիծն առաջին ընթերցմամբ ընդունվեց:
Մանրամասները՝ տեսանյութում:
