23.07.2026 | 21:40
Ֆրանսիայում, Իտալիայում և Իսպանիայում անտառային հրդեհների դեմ պայքար է․ Ֆրանսիայի հարավում ավելի քան 10,000 մարդ է տարհանվել
Մանվել Գրիգորյանի պաշտպանները նրան գրավի դիմաց ազատ արձակելու հերթական միջնորդությունը ներկայացրին դատարան
Հասարակություն
01.10.2019 | 13:20
Երևանի ընդհանուր իրավասության դատարանի Կենտրոնի ԱԺ նախկին պատգամավոր Մանվել Գրիգորյանի պաշտպան Լևոն Բաղդասարյանը հերթական անգամ միջնորդեց դատարանին՝ գրավի դիմաց ազատ արձակել իր պաշտպանյալին՝ գրավի գումարը սահմանելով մինչև 5 մլն դրամ․
«Տասնյակից ավելի դատական նիստեր են տեղի ունեցել, որտեղ Գրիգորյանի մասնակցությունը չի ապահովվել։ Նման պայմաններում խոսք լինել չի կարող անձին կալանքի տակ պահելու մասին։ Այս ամիսների ընթացքում ներկայացված բժշկական փաստաթղթերը փաստում են, որ կալանք կրելու ընթացքում Գրիգորյանի հիվանդությունները բացասական դինամիկա են արձանագրել։ Նման պայմաններում անձի նկատմամբ տեղի է ունենում դասական խոշտանգում։ Այսօր նժարին դրված է անձի առողջությունը և պետք չէ բժիշկ լինել, տեսնելու համար, որ Գրիգորյանի առողջական վիճակը վատթարանում է»։
Անդրադառնալով ներկայացված միջնորդությանը, մեղադրող դատախազ Վահե Դոլմազյանն արձանագրեց, որ միջնորդությունը չի տարբերվում նախորդ դատական նիստերում ներկայացված միջնորդություններից, հիմքերը նույնն են, ինչի պարագայում միջնորդությունը ենթակա է մերժման։ Այսպիսով նախագահող դատավոր Մնացական Մարտիրոսյանը հեռացավ խորհրդակցական սենյակ՝ միջնորդության վերաբերյալ որոշում կայացնելու։
Լիլիթ Շաբոյան
