24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
«Էրեբունի-Երևան» տոնակատարության համար այս տարի կծախսվի մոտ 60 մլն դրամ
Տնտեսություն
29.09.2017 | 15:25
«Էրեբունի-Երևան» տոնակատարության համար այս տարի կծախսվի մոտ 60 միլիոն դրամ: Այս մասին այսօր լրագրողների հետ զրույցում տեղեկացրեց Երևանի քաղաքապետարանի տեղակալ Արամ Սուքիասյանը:
Երևանի քաղաքապետի տեղակալը հայնտեց, որ «Էրեբունի-Երևան» միջոցառումների ծրագիրն այս տարի կանցնի «Երևան սիրո քաղաք» խորագրի ներքո:
Նշենք, որ վերջին երկու տարիներին քաղաքապետարանը ծախսերի առումով ավելի զուսպ է: Արամ Սուքիասյանն ասաց՝ այս տարի ևս Հանրապետության հրապարակում համերգ չի լինի: Ըստ Սուքիասյանի՝ ֆինանսական միջոցների հիմնական մասը ծախսվում էր այդ համերգի կազմակերպման համար, սակայն վերջին երկու տարիներին նախընտրում են քաղաքի տարբեր բեմահարթակներում համերգներ կազմակերպել, որն էլ հնարավորություն է տալիս խնայողություն անել:
Նրա փոխանցմամբ՝ հաջորդ տարին հոբելյանական է լինելու և նշվելու է շատ ավելի ճոխ: «2800 ամյակը կնշվի շատ ավելի ճոխ և կտևի մի քանի օր: Արդեն ձևավորված է հանձնաժողով, աշխատում ենք այդ ուղղությամբ: Ամբողջ տարի է լինելու հոբելյանական, հայ ժողովրդի համար խիստ բրենդային նշանակություն ունեցող տարի է»,- ասաց Երևանի քաղաքապետի տեղակալը:
Մանրամասները՝ տեսանյութում:
