08.12.2025 | 17:30
Կճոյանը նորից դատարանի առաջ․ 49 տարով տրված հողամասը փորձում են վերադարձնել․ ՏԵՍԱՆՅՈՒԹ
Պռոշյանում հայտնաբերված փոքրիկին տեղափոխել են մանկատուն
Հասարակություն
29.09.2017 | 14:19
Օգոստոսի 12-ին Պռոշյան համայնքում ծառի տակ հայտնաբերված երեխային մոտ 10 օր առաջ տեղափոխել են մանկատուն: Այս մասին Factor.am-ին հայտնեց Պռոշյան համայնքի ղեկավար Արթուր Մուրադյանը:
«Հիվանդանոցից նրան տեղափոխել են Նորքի մանկատուն»,- ասաց Արթուր Մուրադյանը:
Հիշեցնենք՝ օգոստոսի 12-ին Պռոշյան համայնքի Տեղերաշեն փողոցի հողամասի ծառի տակ նորածին երեխա էր հայտնաբերվել, նրան տեղափոխել էին հիվանդանոց:
Ինչ վերաբերում է երեխայի հնարավոր որդեգրմանը, ապա Արթուր Մուրադյանն ավելի վաղ Factor.am-ի հետ զրույցում հայտնել էր՝ թեև երեխային որդեգրել ցանկացողներ կան, բայց այդ մասին խոսելու համար դեռ վաղ է:
«Մի վեց ամիս պետք է ոստիկանության կողմից քննություն ընթանա, երեխային ոչ ոք այդ ընթացքում չի կարողանա որդեգրել: Հնարավոր է՝ մայրը հայտնաբերվի և այլն»,- հայտնեց Պռոշյան համայնքի ղեկավարը:
Շողիկ Գալստյան
