27.09.2026 | 19:33
Վանաձորում, Հրազդանում և Արարատում օդում փոշու պարունակությունը գերազանցել է թույլատրելի սահմանը
ԼՂ հիմնախնդրի վերաբերյալ բոլոր ձևակերպումները, որոնք հակասում են ԵԱՀԿ ՄԽ համանախագահների ձևակերպումներին և միակողմանի բնույթ են կրում, չեն նպաստում խաղաղ կարգավորմանը․ ԱԳՆ խոսնակ
Քաղաքականություն
30.09.2019 | 16:25
Ուկրաինայի արտաքին գործերի նախարարությունը սեպտեմբերի 27-ին հայտարարություն էր տարածել՝ ուղղված Լեռնային Ղարաբաղ, Աբխազիա և Հարավային Օսիա այցելել պատրաստվող իր քաղաքացիներին։ Հայտարարության մեջ մասնավորապես նշվում էր․
«Ուկրաինան հետևողականորեն պաշտպանել է Ադրբեջանի և Վրաստանի ինքնիշխանությունը և տարածքային ամբողջականությունը՝ միջազգայնորեն ճանաչված սահմաններում։ Ուկրաինայի արտաքին գործերի նախարարությունը խորհուրդ է տալիս, որ Ուկրաինայի քաղաքացիները Լեռնային Ղարաբաղ, Աբխազիա և Հարավային Օսիա այցելելիս առաջնորդվեն Ադրբեջանի և Վրաստանի օրենսդրությամբ։ Այս օրենքների խախտումը ենթադրում է վարչական և քրեական պատասխանատվություն»։
Հարցի շուրջ մեկնաբանություն ստանալու նպատակով Factor.am-ը կապ հաստատեց ՀՀ արտաքին գործերի նախարարության խոսնակ Աննա Նաղդալյանի հետ, որը փոխանցեց ԱԳՆ դիրքորոշումը․ «ԼՂ հիմնախնդրի վերաբերյալ բոլոր ձևակերպումները, որոնք հակասում են միջնորդության միջազգային միակ մանդատ ունեցող ԵԱՀԿ Մինսկի խմբի համանախագահների ձևակերպումներին և միակողմանի բնույթ են կրում, չեն նպաստում խաղաղ կարգավորման գործընթացին»։
Նելլի Մելքոնյան
