06.06.2026 | 15:33
Հողամասը կանցնի պետությանը․ Հակակոռուպցիոն դատարանը բավարարել է Դատախազության հայցը
Իսրայելն իր քաղաքացիներին խորհուրդ չի տալիս Հայաստան, Վրաստան և Ադրբեջան այցելել
Քաղաքականություն
25.09.2019 | 16:26
Իսրայելի Ազգային անվտանգության հարցերով պետական շտաբը «զբոսաշրջային նախազգուշացում» է տարածել, որում ներկայացված են այն պետւթյունները, ուր երկրի քաղաքացիներին խորհուրդ չի տրվում այցելել հրեական տիշրեյ ամսվա տոնական օրերին (սեպտեմբեր-հոկտեմբերին): Այս մասին գրում է Rusarminfo-ն՝ վկայակոչելով տեղական 9tv հեռուստաալիքը:
Ցանկում վեց «թշնամական» երկրներ են, ուր իսրայելցիներին արգելված է այցելել օրենքով՝ Իրան, Իրաք, Եմեն, Սիրիա, Լիբանան, Սաուդյան Արաբիա:
Բացի այդ՝ Ազգային անվտանգության հարցերով պետական շտաբն իսրայելցիներին խորհուրդ է տվել չայցելել նաև «թշնամական» երկրներին հարակից պետություններ, այն է՝ Վրաստան, Հայաստան, Ադրբեջան, Թուրքմենստան, Պարսից ծոցի երկրներ, Աֆրիկա, կենտրոնական և հարավ-արևելյան Ասիա:
Շտաբն Իսրայելի քաղաքացիների համար վտանգավոր է համարել նաև Թուրքիան, Եգիպտոսն ու Հորդանանը: Նշվում է, որ այդ երկրներում իսլամական-ջիհադականները զարգացած ցանց ունեն՝ հրեաների վրա հարձակումների համար:
