14.12.2025 | 18:20
Թաիլանդն ու Կամբոջան շարունակում են ռազմական գործողությունները
Վլադիմիր Պուտինը կմասնակցի ԵՏԲԽ նիստին. ՌԴ ԱԳՆ-ն հաստատել է
Քաղաքականություն
23.09.2019 | 22:34
ՌԴ նախագահ Վլադիմիր Պուտինը ծրագրում է հոկտեմբերի 1-ին Երևանում կմասնակցի Եվրասիական տնտեսական բարձրագույն խորհրդի նիստին: ՌԻԱ Նովոստիի փոխանցմամբ՝ այս մասին հայտնել է ՌԴ ԱԳ նախարարի տեղակալ Անդրեյ Ռուդենկոն:
«Ռուսաստանն ու Հայաստանը վստահորեն շարժվում են բազմակողմ դաշնակցությունն ամրապնդելու ուղով: Ինտենսիվ քաղաքական երկխոսություն է ընթանում բարձր և բարձրագույն մակարդակով: Մեկ շաբաթ անց ՌԴ նախագահ Վլադիմիր Պուտինը Երևան կմեկնի՝ մասնակցելու ԵՏԲԽ նիստին»,- ասել է Ռուդենկոն:
Հոկտեմբերի 1-ին, հիշեցնենք, Երևանում տեղի է ունենալու Եվրասիական տնտեսական բարձրագույն խորհրդի նիստը՝ ԵՏՄ անդամ պետությունների նախագահների և կառավարությունների ղեկավարների մասնակցությամբ: Վլադիմիր Պուտինի ժամանումը մինչև հիմա պաշտոնապես ո՛չ հերքվում, ո՛չ էլ հաստատվում էր:
