08.12.2025 | 18:20
Էդուարդ Սպերցյան․ Եվրոպայից որևէ առաջարկ չունեմ
Պատանի բադմինթոնիստները հավաք են անցկացնում Ինդոնեզիայում
28.09.2017 | 12:22
Բադմինթոնի Հայաստանի պատանեկան հավաքականը պատրաստվում է աշխարհի թիմային եւ անհատական առաջնությանը: Մինչ այդ հայ մարզիկները 14-օրյա ուսումնամարզական հավաք են անցկացնում մրցավայր Ինդոնեզիայում: Հայաստանի բադմինթոնի ֆեդերացիայի գործադիր տնօրեն մարզիչ Հրաչյա Պողոսյանը թիմում ընդգրկել է Արման Վարդանյանին, Գոռ Գրիգորյանին, Մանե Ստեփանյանին եւ Գայանե Մամաջանյանին:
Հրաչյա Պողոսյանը ՀԱՕԿ լրատվականին տեղեկացրեց, որ հայ բադմինթոնիստներն օրական երկու մարզում են անցկացնում ինդոնեզական «Ջարում» ակումբի մարզիչների գլխավորությամբ:
«Այս ուսումնամարզական հավաքը կայանում է մեր հայրենակից, Հայաստանի բադմինթոնի ֆեդերացիայի պատվավոր նախագահ, Բուլղարիայի բադմինթոնի ֆեդերացիայի եւ Բալկանյան երկրների բադմինթոնի ասոցիացիայի նախագահ Բյուզանդ Կասաբյանի նախաձեռնությամբ: Մասնակցում են Ինդոնեզիայի, Հայաստանի, Բուլղարիայի, Վրաստանի, Բրազիլիայի եւ Նոր Զելանդիայի մարզիկները»,- ասաց Պողոսյանը:
Աշխարհի պատանեկան առաջնությունը կմեկնարկի հոկտեմբերի 9-ին Ինդոնեզիայի Յոգյակարտա քաղաքում:
