08.08.2026 | 15:04
Ջերմաստիճանը կնվազի. ինչ եղանակ է սպասվում առաջիկա օրերին
Տարեցներին ընդգրկել աշխատաշուկայում. վարչապետի հանձնարարականը
Տնտեսություն
28.09.2017 | 11:57
ՀՀ կառավարության այսօրվա նիստում վարչապետը հանձնարարեց զբաղվել մեծահասակներին աշխատաշուկայում ընդգրկելու հարցով: Կարապետյանըը հիշեցրեց՝ 1992 թվականից ՄԱԿ-ը հոկտեմբերի 1-ը հռչակել է որպես տարեցների միջազգային օր:
«Այսօվա հրամայականը մեզ ստիպում է տարեցների սոցիալական պաշտպանության բնագավառում սոցիալական պաշտպանությունից և խնամքից անցում կատարել դեպի առողջ և ակտիվ ծերացմանն ուղղված գործողությունների իրականացում»,- ընդգծեց կառավարության ղեկավարը:
Կարապետյանը, հաշվի առնելով վերը նշվածը, և ինչպես ինքն ասաց՝ տարեցների նկատմամբ քաղաքականության մեջ սկզբունքորեն նոր մոտեցումներ որդեգրելու անհրաժեշտությունը, հանձնարարեց աշխատանքի և սոցիալական հարցերի նախարարին մեկամսյա ժամկետում առաջինը քննարկել տարեց անձանց աշխատաշուկայում ընդգրեկոլու հնարավորության հարցը, երկրորդ ուսումասիրել միջազգային փորձը և ներկայացնել համապաատասխան առաջարկություններ սոցիալական այլընտրանքային ծառայությունների, ինչպես օրինակ, ցերեկային կենտրոններ և տնային խմամք համակարգի ներդրման ուղղությամբ:
