06.10.2026 | 10:39
Ուկրաինան ԱԹՍ-ներով զանգվածային հարված է հասցրել Մոսկվային ու Մոսկվայի մարզին․ զոհվել է երկու մարդ
Մոսկվայի հայկական թատրոնի ներկայացմամբ Կիպրոսում մեկնարկել է ռուսական երկրորդ թատերաշրջանը
Մշակույթ
19.09.2019 | 14:49
Կիպրական Նիկոսիայի Գիտության և մշակույթի ռուսական կենտրոնում մեկնարկել է Ռուսական երկրորդ թատերաշրջանը: Առաջինը հանդիսատեսին ներկայացել է Մոսկվայի հայկական թատրոնը՝ Սլավա Ստեփանյանի ղեկավարությամբ, գրում է ՏԱՍՍ-ը:
«Մենք երեք ներկայացում ենք բերել. «Առաջարկությունը»՝ Չեխովի ստեղծագործությունների մոտիվներով և «Երեք խոզուկներ» մանկական տիկնիկային ներկայացումը կխաղանք ռուսերենով՝ հունարեն ենթագրերի ուղեկցությամբ, իսկ հայ ժամանակակից դրամատուրգ Կարինե Խոդիկյանի «Սիրային քառակուսի» ստեղծագործության մոտիվներով «Կուբիկ-Ռուբիկ կամ սիրո երկրաչափությունը» կատակերգությունը կներկայացնենք հայերենով՝ ռուսերեն ենթագրերով»,- պատմել է Սլավա Ստեփանյանը:
Ներկայացման մեկնարկից առաջ տեղի է ունեցել Գիտության և կրթության ռուսական կենտրոնի նոր նախագծի՝ Ռուս-հայկական թատերական փառառոնի բացման հանդիսավոր արարողությունը:
Կիպրոսում ՌԴ դեսպանության խորհրդական Անդրեյ Պանյուխովն ընդգծել է, որ Ռուսաստանի և Հայաստանի հարաբերությունները «հիրավի դաշնակցային ու ռազմավարական բնույթ ունեն»: Նա նաև հիշեցրել է, որ Կիպրոսում հայկական մեծ համայնք կա, վիճակագրական տվյալների համաձայն՝ ավելի քամ 3 հազար մարդ:
Նշենք, որ Կիպրոսում Ռուսական թատերաշրջանն անցկացվում է այդ երկրի նախագահ Նիկոս Անաստասիադիսի հովանու ներքո:
