06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Ես մեղադրանքը չեմ ընդունում. Վլադիմիր Գասպարյանը՝ Սերժ Սարգսյանի եղբոր թիկնապահներին ՊՆ-ում աշխատանքի տեղավորելու մասին
Հասարակություն
18.09.2019 | 15:47
Ես մեղադրանքը չեմ ընդունում: Այս մասին Factor.am-ի հետ զրույցում ասաց ՀՀ նախկին ոստիկանապետ Վլադիմիր Գասպարյանը:
Հիշեցնենք, որ Քննչական կոմիտեն այսօր հաղորդագրություն էր տարածել, որի համաձայն՝ Վլադիմիր Գասպարյանը Պաշտպանության նախարարությունում ռազմական ոստիկանության վարչության պետի և փոխնախարարի պաշտոնը զբաղեցնելու ժամանակ պաշտոնեական դիրք է չարաշահել: Ըստ հաղորդագրության՝ Վլադիմիր Գասպարյանի՝ ոստիկանապետի պաշտոնը զբաղեցնելու տարիներին երրորդ նախագահ Սերժ Սարգսյանի եղբայրների թիկնապահները և վարորդը կառույցում պաշտոններ են զբաղեցրել, բայց աշխատանքի չեն ներկայացել: Պետությանը պատճառվել է խոշոր չափի վնաս՝ 21.691 մլն դրամ:
«Ես մեղադրանքը չեմ ընդունում, եկեք դրանով սահմանափակվենք»,- ասաց Վլադիմիր Գասպարյանը՝ հրաժարվելով այս թեմայով այլ հարցերի պատասխանել:
Հարցին՝ ինչպե՞ս է մեկնաբանում ոստիկանապետ Վալերի Օսիպյանի պաշտոնանկությունը և արդյո՞ք նա լավ ոստիկանապետ էր, Վլադիմիր Գասպարյանն արձագանքեց. «Ես Ոստիկանության ոչ մի գործունեություն չեմ մեկնաբանում: Օրը կգա՝ կխոսենք: Հոգի՛ ջան, հանդարտվիր և խաղաղության մեջ մնա»:
Վլադիմիր Գասպարյանը չցանկացավ նաև ասել, թե հեղափոխությունից հետո ինչով է զբաղվում:
Նարեկ Կիրակոսյան
