07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Համաձայն եմ՝ դա կոմպրոմատի թեմա է, գիտական վատ անցյալ ունեցող ցանկացած մարդու անցյալում կարելի է խորանալ. Սմբատ Գոգյան. ՏԵՍԱՆՅՈՒԹ
Հասարակություն
18.09.2019 | 13:07
Բարձրագույն որակավորման կոմիտեն չի նախաձեռնել՝ տարածել տեղեկատվություն այն մասին, որ Ռոբերտ Քոչարյանի նկատմամբ ընտրված խափանման միջոց կալանավորումը փոխած դատավոր Ալեքսանդր Ազարյանի ատենախոսությունում կան արտագրված մասեր: Այս մասին այսօր հրավիրված ասուլիսում հայտարարեց ԲՈԿ նախագահ Սմբատ Գոգյանը։
Նա բնական է համարում, որ երբ մարդը հանրային պրոցեսի մեջ է ընդգրկվում, նրա անցյալն ուսումնասիրում են, ինչպես Ազարյանի դեպքում. «Ես էլ, երբ դարձա ԲՈԿ-ի նախագահ, իմ անցյալը ուսումնասիրեցին, հազար ու մի «սկանդալային» ուսումնասիրություններ արեցին, բայց արդյունքում ճիշտը հաղթում է»։
Գոգյանը պարզաբանեց, որ Ազարյանի ատենախոսությունն իրենցից առաջինը պահանջել է ԱԺ մի պատգամավոր, ինչից հետո լրատվամիջոցներն են հետաքրքրվել թեմայով։
«Համաձայն եմ՝ դա կոմպրոմատի թեմա է, գիտական վատ անցյալ ունեցող ցանկացած մարդու անցյալում կարելի է խորանալ։ Բայց մենք պետք է հասկանանք, որ դա մաքրման միակ ճանապարհն է: Եթե մենք շարունակենք նույն ձևի, ո՞նց է լինելու։ Ես մի բան գիտեմ, եթե դու չես կրում մի արժեք, դու չես կարող կրել այդ արժեքը»,- ասաց Սմբատ Գոգյանը։
Մանրամասները՝ տեսանյութում:
Ռոբերտ Անանյան
