28.11.2024 | 23:27
Վրաստանում ցուցարարները շարժվում են դեպի խորհրդարան
Աֆղանստանի նախագահի նախընտրական ելույթի ժամանակ պայթյուն է որոտացել. հաղորդվում է 25 զոհի մասին
Քաղաքականություն
17.09.2019 | 14:00
Աֆղանստանի Փարվան նահանգում երկրի նախագահ Աշրաֆ Ղանիի կողմնակիցների հավաքի ժամանակ հավաքատեղից քիչ հեռու երկու պայթյուն է որոտացել: Պատահարի հետևանքով շուրջ 25 մարդ է զոհվել, 30-ը՝ վիրավորվել: Այս մասին հաղորդում է REN.TV-ն՝ վկայակոչելով տեղական լրատվամիջոցները:
TOLO News-ի փոխանցմամբ՝ պայթուցիկ սարքերը գործի են դրվել այն բանից հետո, երբ Ղանին սկսել է ելույթ ունենալ: Որոշ տվյալներով՝ ռումբերից մեկը տեղակայված է եղել ուժայինների մեքենայի տակ: Նախագահը չի տուժել:
Նշվում է, որ նախընտրական հավաքին մի քանի հազար մարդ է մասնակցել: Չնայած ողբերգությանը՝ Ղանիի նախընտրական շտաբը որոշել է շարունակել ակցիան:
Աֆղանստանի նախագահական ընտրությունները նախանշված են սեպտեմբերի 28-ին: Դրանք պետք է անցկացվեին հուլիսի 20-ին, սակայն մի քանի անգամ հետաձգվել են:
Հավելենք, որ Աշրաֆ Ղանին պետության ղեկավարի պաշտոնը զբաղեցնում է 2014 թվականից: Երկրի Սահմանադրության համաձայն՝ նախագահն ընտրվում է 5 տարի ժամկետով՝ ևս մեկ անգամ վերընտրվելու հնարավորությամբ:
