03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Երկրի գլխավոր թալանչիները պատասխանատվության չէին կանչվում. Զուրաբյանն՝ ԱԱԾ տնօրենի հրաժարականի մասին. ՏԵՍԱՆՅՈՒԹ
Քաղաքականություն
17.09.2019 | 15:44
Եթե Ռոբերտ Քոչարյանն ազատ արձակվեր, այսինքն՝ ճանաչվեր նրա անձեռնմխելիությունը, դա կնշանակեր, որ կփակվեր Մարտի 1-ի քրգործի առաջընթացը: Մենք հասանք նրան, որ Հայաստանում հաղթանակեց արդարադատությունը՝ ժողովրդի ուժով։
Այս մասին այսօր ասաց ՀԱԿ փոխնախագահ Լևոն Զուրաբյանը՝ նշելով, որ նախագահի անձեռնմխելիության հարցը դրվել է դատավորի վրա, հետևաբար, դատարանը կայացրեց որոշում, ըստ որի, Քոչարյանը կատարել է գործողություններ, որոնք չեն առնչվում նրա անձեռնմխելիության հետ։ «Եվ հիմա, վերջապես, կսկսվի բուն դատավարությունը, և ժողովուրդը կկարողանա տեսնել, թե ով, ի՞նչ է կատարել»,- ասաց Զուրաբյանը։
Անդրադառնալով ԱԱԾ արդեն նախկին տնօրեն Արթուր Վանեցյանի հրաժարականին՝ ՀԱԿ փոխնախագահը նշեց, որ դրա պատճառների մասին որևէ բան չի կարող ասել, ՀԱԿ-ը հրապարակային ներկայացրել է իր քննադատություններն այն մասին, թե ինչու ՀՀ գլխավոր թալանչիները պատասխանատվության չեն կանչվում։
«Ես չգիտեմ դա է եղել պատճառը, թե՝ ոչ, բայց միայն այն հայտարարությունը, որը նա արեց, արդեն բավարար էր՝ արդարացնելու համար նրա ազատումը»,- ասաց նա։
Մանրամասները՝ տեսանյութում։
