08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Անուբախ Համբարյանն իմ լավ ընկերն է․ Լոռու մարզպետը՝ պաշտոնին հրաժեշտ տալու մասին
Քաղաքականություն
27.09.2017 | 11:33
Լոռու ՀՀԿ-ական մարզպետ Արթուր Նալբանդյանը ստահոդ լուրերի շարքին է դասում իր հնարավոր պաշտոնանկությունը։ «Նման բան առաջին անգամ եմ լսում և ձեզնից․ ուրիշ մեկնաբանություն չունեմ»,- Factor.am-ի հետ զրույցում ասաց նա։
Մեր դիտարկմանը, որ ըստ մամուլի հրապարակումների՝ մարզպետի պաշտոնին հրաժեշտ է տալու օրեր առաջ Երևանի կենտրոնում՝ Վերնիսաժի հարակից տարածքում հնչած կրակոցների պատճառով, մարզպետը զարմանքով արձագանքեց․ «Ես ի՞նչ կապ ունեմ այդ կրակոցների հետ»։
Կրակոցների հետևանքով վիրավորում էր ստացել Ալավերդիում հայտնի քրեական հեղինակություն Վահագն Աբգարյանը, որը, ըստ մամուլի հրապարակումների, մարզպետի մտերիմներից է։
Ինչ վերաբերում է այն հարցին, որ մարզպետի պաշտոնում որպես իրեն փոխարինողի անուն շրջանառվում է փոխոստիկանապետ, Լոռու մարզի նախկին ոստիկանապետ Անուբախ Համբարյանի անունը, Արթուր Նալբանդյանն արձագանքեց․ «Անուբախ Համբարյանն իմ շատ լավ ընկերն է, խնդրում եմ մարդկանց թյուրիմացության մեջ մի գցեք»։
Սեդա Ղուկասյան
