03.04.2026 | 14:57
Հայաստանում քննարկվում է մինչև 16 տարեկան երեխաների մուտքը սոցցանցեր սահմանափակելու հարցը
Պանամայի քաղաքացի ներկայացած անձինք կեղծ թղթադրամներ պատրաստելու պատրվակով պահանջել են 1 միլիոն դոլար. ոստիկանություն
Հասարակություն
16.09.2019 | 22:00
Սեպտեմբերի 6-ին ոստիկանության Վաղարշապատի բաժին դիմած քաղաքացին հաղորդում էր տվել, որ սեպտեմբերի 5-ին Պանամայի քաղաքացի ներկայացած ոմն Ջոնսոն ու նրա եղբայրը Երևանի հյուրանոցներից մեկում իր ներկայությամբ պատրաստել են 3 հատ 100 դոլարանոց թղթադրամ։
ՀՀ ոստիկանությունից հայտնում են, որ դրանցից մեկը նրան էին տվել ու վստահեցրել, որ իրական թղթադրամի նման կարող է իրացնել։
Նյութերի նախապատրաստման ընթացքում ոստիկանության ԿՀԴՊ գլխավոր վարչության, Արմավիրի մարզային վարչության և Վաղարշապատի բաժնի ծառայողների համատեղ օպերատիվ-հետախուզական միջոցառումներով ճշտվել է քաղաքացու նշած անձանց ինքնությունը՝ 34 և 37-ամյա օտարերկրյա քաղաքացիներ էին։
Պարզվել է, որ օտարերկրացիները կեղծ թղթադրամներ պատրաստելու պատրվակով ոստիկանություն դիմած անձից պահանջել էին 1 միլիոն դոլար։ Սեպտեմբերի 14-ին, ժամը 15։45-ին, նրանք հայտնաբերվել են մայրաքաղաքի Տիգրան Մեծի պողոտայում և իրենց վարած «Հունդայի Էլանտրա» ավտոմեքենայով հանդերձ բերման ենթարկվել ոստիկանության Վաղարշապատի բաժին։
Փաստի առթիվ հարուցվել է քրեական գործ։
Մեքենան տեղափոխվել է ոստիկանության Վաղարշապատի բաժնի պահպանվող հատուկ տարածք և կնիքվել։
Կատարվում է նախաքննություն։
