Հասարակություն
16.09.2019 | 16:03Հայաստանը երկար տարիներ թալանվել է, մարդիկ շատ դեպքերում ոչ թե արդարադատության, այլ վրեժի կարիք ունեն և երբ տեսնում են, որ Կառավարությունը վրեժի գիլյոտինը չի միացրել, մեզ մեղադրում են անսկզբունքային լիելու համար։
Այս մասին այսօր հրավիրված մամուլի ասուլիսի ժամանակ ասաց վարչապետ Նիկոլ Փաշինյանը՝ նշելով, որ մենք պետք է ունենանք իրավական պետություն, որը արդարության հասնելու ամենակարևոր գործիքն է։
Պատասխանելով Factor.am-ի հարցին՝ արդյոք եղե՞լ է Սերժ Սարգսյանի ձերբակալության վերաբերյալ քաղաքական որոշում՝ հիշեցնելով նրա փեսա Միքայել Մինասյանի հայտնի գրառումը, վարչապետն ասաց․ «Սերժ Սարգսյանի և Միքայել Մինասյանի վերաբերյալ եղել են հայտարարություններ, և ես դա կապում եմ նրա հետ, որ Միքայել Մինասյանը ստացել է ինֆորմացիա, որ որոշ քրեական գործերով արդեն քննությունը հասել է իրեն և շատ մեծ հավանականություն կա, որ ինքը որպես մեղադրյալ կանցնի, մասնավորապես՝ ՀՀ ստատեգիական օբյեկտներից մեկը սեփականաշնորհելու գործով։ Ենթադրում եմ, որ ինքը մտածել է, որ ինքն էլ ցուցմունք կտա Սերժ Սարգսյանի դեմ, որի արդյունքում Սերժ Սարգսյանը կձերբակալվի և որոշել է նախապես հայտարարել, որ ինքն ու Սերժ Սարգսյանը քաղհալածյալ են»։
Մանրամասները՝ տեսանյութում։
