Հասարակություն
16.09.2019 | 15:22Հնարավոր չէ, որ Կառավարությունը հետ կանգնի օրերս ընդունած բանկային գաղտնիքի մասին որոշումից և այդ որոշման նախագիծը Ազգային ժողով չուղարկի։ Այս մասին այսօր հրավիրված մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։
«Բոլոր նրանք, ովքեր այս որոշման հետ կապված ուղղակի աղմուկ են բարձրացնում, այդ աղմուկը բարձրացնելու հիմքեր չունեն։ Ես ասել եմ, որ ՀՀ-ում կոռուպցիայի դեմ պայքարը ինստիտուցիոնալ մակարդակում պետք է լինի, սկանդինավյան երկրների մակարդակին։ Իսկ որևէ մեկը կարո՞ղ է ասել, եթե այդ համակարգը գործում է սկանդինավյան և եվրոպական երկրներում, այդ երկրներում ինչո՞ւ տնտեսությունը չի փլուզվում։ Ես կառավարության նիստում էլ ասացի՝ չեմ պատկերացնում, որ կոռուպցիայի դեմ կիսապայքար պետք է լինի։ Մյուս կողմից, հասարակությունն ասում է, բա թալանածը ինչո՞ւ չեք բավարար չափով հետ բերում։ Ասում եք՝ բա Սաշիկի փողերն ո՞ւր ա, չնայած, վերջերս այնպիսի իրադարձություններն էին ի հայտ գալիս, որ ես գալիս եմ այն եզրակացության, որ Սաշիկն այդ ընտանքի ամենաանմեղ դեմքն է»,- ասաց Փաշինյանը՝ ընդգծելով, որ կոռումպացված փողերը հետ են բերվելու։
Մանրամասները՝ տեսանյութում:
