07.05.2025 | 01:04
Հնդկաստանի ԶՈՒ-ն սկսել է «Սինդուր» գործողությունը՝ հարված հասցնելով Պակիստանում «ահաբեկչական ենթակառուցվածքներին»
Ո՞ւմ կրակոցից է մահացել ՊՊԾ-ում ոստիկան Գագիկ Մկրտչյանը. Լամբարյանը լուռ էր. ՏԵՍԱՆՅՈՒԹ
Հասարակություն
11.09.2019 | 11:51
«Սասնա ծռեր» խմբի տասն անդամի գործով դատական նիստին այսօր հարցաքննվեց այս քրեական գործից անջատված, մեկ այլ քրգործով ամբաստանյալ Արմեն Լամբարյանը: Նա դատարանում հայտարարեց, որ ինչպես նախկինում, այնպես էլ հիմա հրաժարվում է ցուցմունք տալ, հրաժարվում է հարցերի պատասխանել:
Հիշեցնենք, որ խմբի մեկ այլ անդամ՝ Պավել Մանուկյանը, դատարանում ցուցմունք էր տվել, որ ոստիկան Գագիկ Մկրտչյանին պատահական կրակել է ոչ թե Արմեն Բիլյանը, այլ Էդուարդ Գրիգորյանը և դրան ականատես է եղել Արմեն Լամբարյանը: Վերջինս դատարանում համառորեն լուռ էր, կրկնում էր, որ հարցերի պատասխանել չի ցանկանում:
Ամբաստանյալը միայն ասաց, որ Արմեն Բիլյանը սպանության վայրում չի եղել, առանց այլ մանրամասներ հայտնելու:
Ոստիկանի սպանության համար մեղադրվող Արմեն Բիլյանը վեր կացավ և լքեց դատարանի դահլիճը, նա չցանկացավ լսել Լամբարյանին: Սպանված ոստիկանի կնոջ հարցերը, թե՝ ով է սպանել իր ամուսնուն, ևս Լամբարյանի կողմից մնացին անպատասխան:
Մանրամասները` տեսանյութում:
Լիլիթ Շաբոյան
