03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Առաջարկում եմ «Սանիթեքի» աշխատակիցներին և ԶԼՄ-ներին՝ այդ ընկերության տնօրինությունից ճշտել աշխատավարձ չտալու իրական պատճառները. Հակոբ Կարապետյանը տեղեկանք է հրապարակել
Հասարակություն
10.09.2019 | 15:45
Քաղաքապետի խոսնակ Հակոբ Կարապետյանը ֆեյսբուքի իր էջում արված գրառմամբ դիմել է այսօր քաղաքապետարանի առաջ աշխատավարձ չստանալու համար քաղաքապետարանին մեղադրող «Սանիթեքի» աշխատակիցներին:
««Սանիթեք» ընկերության մի քանի տասնյակ աշխատակիցներ այսօր քաղաքապետարանի դիմաց բողոքում էին, որ օգոստոսի աշխատավարձը չեն ստանում, որովհետեւ «քաղաքապետարանը «Սանիթեքին» փող չի փոխանցել:
Հայտնում եմ, որ օգոստոս ամսին քաղաքապետարանը «Սանիթեքին» է փոխանցել 165 միլիոն 340 հազար դրամ: Առաջարկում եմ «Սանիթեքի» հարգարժան աշխատակիցներին եւ ԶԼՄ-ներին՝ այդ ընկերության տնօրինությունից ճշտել աշխատավարձ չտալու իրական պատճառները»,- գրել է նա:
