04.04.2026 | 11:15
Իսակովի պողոտայում 3 ավտեմեքենա է բախվել․ վարորդներից մեկը հոսպիտալացվել է
Գյումրիում շների ապօրինի և դաժան սպանդ՝ քաղաքապետարանի «հովանավորչությամբ». econews.am
Հասարակություն
06.09.2019 | 12:19
Գյումրիում շարունակում են ապօրինաբար և դաժանությամբ սպանդի ենթարկել թափառող կենդանիներին։ Այս մասին ահազանգում են Գյումրի քաղաքի բնակիչները. փոխանցում է econews.am-ը:
Վկաները պնդում են, որ վաղ առավոտյան /6-6։30/ կրակում են շներին, գցում «15 SO 144» պետհամարանիշներով նարնջագույն մեքենայի /Մոսկվիչ տեսակի/ մեջ և տանում։ Գյումրիի բնակիչներից մեկն էլ հայտնում է, որ կրակոցներ են հնչում երբեմն նաև ուշ գիշերին։ Նշված «աշխատանքը» գրեթե բոլոր դեպքերում կատարում է որևէ որսորդական միության անդամ, որն ունի օրենքով սահմանված կարգով հրազեն օգտագործելու իրավունք, որը չի ենթադրում բնակելի վայրում զենքի կիրառումը։ Այս մասին խոսեցինք Գյումրիում գործող «Աղավնաբազե» որսորդական միության նախագահ Հովհաննես Խնուսյանի հետ, որը ևս հաստատեց սպանդը շարունակելու մասին տեղեկությունը։
«Որսորդ կոչված է․․․ շուն զարկողը որսորդ չէ։ Էն որսորդին, որը կատարել է այդ աշխատանքը ես հանել եմ ընդհանրապես մեր միությունից։ Հիմա մեկին գտել են, չգիտեմ՝ ով է։ Ինչքան հասկանում եմ նորից շարունակվում է, ես էլ եմ ահազանգ ստանում, ինձ էլ են տեղյակ պահում։ Էս անգամ փնթիությունը մի քիչ կողքի են դրել, սկսել են գործել ավելի կոռեկտ, որ մարդկանց աչքից հեռու լինեն։ Կրակում են, իրենք ցանկություն էլ չունեն այլ լուծում տալու»,- մեզ հետ զրույցում ասաց նա։
Մանրամասները՝ սկզբնաղբյուր կայքում:
