13.10.2026 | 14:19
Երևանում ծխախոտի բաց վաճառքի դեպք է հայտնաբերվել․ տնտեսվարողը կենթարկվի պատասխանատվության
«Եթե քաղաքապետարանը չզինվեր մեքենաներով, այժմ վիճակը սարսափելի կլիներ». Անի Խաչատրյան. ՏԵՍԱՆՅՈՒԹ
Տնտեսություն
06.09.2019 | 11:51
«Սանիթեքը» չի կատարել իր պարտավորությունները պայմանագրի առաջին իսկ օրվանից։ Իդեալական աղբահանություն չկա. այս մասին այսօր Երևանի աղբահանության թեմայով քննարկման ընթացքում նշեց Երևանի ավագանու «Լույս» խմբակցության անդամ Անի Խաչատրյանը։
««Սանիթեքի» հետ պայմանագրի մեջ մի կետ չկա նշված այն մասին, որ Երևանն աղբավայրերի հետ կապված պարտավորություն ունի։ Այդ մասին Տարոն Մարգարյանի հետ բանավոր պայմանավորվածություն է եղել, իսկ նման մեծ մասշտաբի կազմակերպության հետ գործընկերություն սկսելիս բանավոր պայմանավորվածությունը, ներողություն, բայց ծիծաղելի է։ Ես կարծում եմ, որ թե՛ քաղաքապետարանը, թե՛ Հայաստանի Հանրապետությունը, պետք է շատ ավելի խսիտ պատասխանատվության ենթարկեն «Սանիթեքին»՝ Երևանի քաղաքացիների հանդեպ այսպիսի անհարգալից վերաբերմունքի համար»,- ասաց ավագանու անդամը։
Ըստ նրա՝ եթե Երևանի քաղաղապետարանը չզինվեր նոր մեքենաներով, այժմ աղբահանության վիճակն ավելի սարսափելի կլիներ։
Անի Խաչատրյանը հավելեց, որ «Սանիթեքն» առաջիկայում պատրաստվում է Վրաստանի հետ աշխատել։
«Մեր բարեկամ հանրապետությանը կոչ եմ անում նայել Հայաստանի փորձը, «Սանիթեքի» աշխատանքը և չգնալ բիզնես էթիկան խախտող այս կազմակերության հետ համագործակցության»,- եզրափակեց ավագանու անդամը։
Մանրամասները՝ տեսանյութում։
Նելլի Մելքոնյան
