16.12.2025 | 09:40
ՀՀ որոշ շրջաններում ձյուն է տեղում․ ինչ իրավիճակ է ճանապարհներին
«Ես հայտնվել եմ երկու քարի արանքում». Դավիթ Անանյանը՝ ՀԴՄ-ների բացակայության և չտուգանելու մասին. ՏԵՍԱՆՅՈՒԹ
Տնտեսություն
05.09.2019 | 13:06
Տնտեսվարողների նկատմամբ տուգանքների սանկցիան կիրառվելու է ծայրահեղ դեպքերում: Լրագրողների հետ ճեպազրույցում այս մասին ասաց ՊԵԿ նախագահ Դավիթ Անանյանը:
«Տնտեսվարողների նկատմամբ վարչարարությունն այսօր իրականացվում է մոնիթորինգային գործիքակազմով, և տուգանքի սանկցիան կիրառվելու է ծայրահեղ դեպքում: Դա վերջին կիրառման ենթակա գործիք է, որից այս պահին ձեռնպահ ենք մնում», – ասաց Անանյանը:
Նա, միաժամանակ, ասաց՝ դա չի նշանակում, որ եթե հայտնաբերվեն խախտումներ, կաշկանդված են լինելու գործել:
Դավիթ Անանյանի խոսքով՝ եթե բիզնեսը նոր է բացվել, ապա տնտեսվարողը կարող է իր գործունեությունն իրականացնել մինչև ՀԴՄ ձեռքբերելը: «ՊԵԿ-ը ձեռնպահ կմնա նրան անմիջապես տուգանելուց, բայց կայցելի տնտեսվարողին ու մոնիթորինգային կարգով վարչարարություն կիրականացնի: Եթե նա իր գործունեության արդյունքները ճիշտ կհայտարարագրի, մենք այդ պահին հսկիչ դրամարկղային մեքենայի չկիրառման հետ կապված իրեն չենք տուգանի»,- վստահեցրեց նա:
Դիտարկմանը, որ եթե սպառողը ՀԴՄ կտրոն պահանջի, այդ դեպքում ի՞նչ է ասելու տնտեսվարողը, ՊԵԿ ղեկավարը պատասխանեց, որ ստեղծվել է մի իրավիճակ, երբ ինքը հայտնվել է «երկու քարի» արանքում:
Մանրամասները՝ տեսանյութում:
Նարեկ Կիրակոսյան
