06.10.2026 | 18:42
Վահագն Խաչատուրյանն ու Կիպրոսի դեսպանը քննարկել են երկկողմ համագործակցության խորացումը
Հեղափոխական չէ, բայց աճ է․ 1 միլիարդ 665 միլիոն դրամ՝ ուսուցիչների աշխատավարձը 10 տոկոսով բարձրացնելու համար․ ՏԵՍԱՆՅՈՒԹ
Հասարակություն
05.09.2019 | 11:29
Ուսուցիչների աշխատավարձերը 10 տոկոսով բարձրացնելու համար Կառավարությունը սեպտեմբերի 5-ի նիստում ԿԳՄՍ նախարարությանը հատկացրեց 1 միլիարդ 665 միլիոն դրամ։
Նախագիծը Կառավարության հավանությանը ներկայացնող նախարար Արայիկ Հարությունյանի խոսքով՝ ուսուցիչների աշխատավարձերի բարձրացում երկար տարիներ տեղի չէր ունենում, հետևաբար այս գործընթացը կրթական համակագը բարեփոխումների նկատմամբ ավելի ընկալունակ դարձնելու համար է։
«Հանրակրթական ուսումնական հաստատություններում աշխատող ուսուցիչների աշխատավարձերի դրույքաչափի 10 տոկոսանոց աճ կլինի, բայց միևնույն ժամանակ, մենք սկսում ենք ատեստավորման նոր համակարգի ներդրման գործընթաց, ինչպես նաև աշխատավարձի բարձրացումն արձանագրած արդյունքի հետ կապելու գործընթաց»,- ասաց նախարարը։
Նախագծի վերաբերյալ վարչապետ Փաշինյանը նշեց, որ այս նախագծի նպատակը ուսուցիչների մասնագիտական որակների բարձրացումն է, որի համար Կառավարությունը պետք է ուշադրության կենտրոնում պահի աշխատավարձերի բարձրացումը. «Իհարկե՛ այս աճը հեղափոխական չէ, բայց սա մի գործընթացի մեկնարկ է, որը կշարունակվի, եթե մենք կարողանանք այդ գործընթացը ճիշտ կկառուցել»։
Մանրամասները՝ տեսանյութում։
Աղավնի Սուքիասյան
