23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Հնարավոր է՝ այս որոշումը խոչընդոտի Մարտի 1-ի ամբողջական բացահայտմանը․ Անդրանիկ Քոչարյան. ՏԵՍԱՆՅՈՒԹ
Քաղաքականություն
04.09.2019 | 17:59
Ռոբերտ Քոչարյանի թիմը մեկ խնդիր է դրել իր առջև, ինչպես անել՝ դատաքննական գործընթացից խուսափելու համար։ Այս մասին այսօր խորհրդարանում լրագրողների հետ զրույցում ասաց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով այսօր Ռոբերտ Քոչարյանի դիմումի հիման վրա Սահմանադրական դատարանի կայացրած որոշմանը։
Հիշեցնենք, որ Մարտի 1-ի գործով մեղադրյալ Ռոբերտ Քոչարյանը խնդրել էր ստուգել Քրեական դատավարության օրենսգրքի՝ խափանման միջոց կիրառելու հիմքերի և քրեական գործի վարույթը կամ քրեական հետապնդումը բացառող հանգամանքների մասին հոդվածների սահմանադրականությունը։ Բարձր դատարաննն այսօր որոշեց երկրորդ նախագահի վիճարկած հոդվածներից մեկը ճանաչել հակասահմանադրական։
«Սահմանադրական դատարանն ինչ-որ պահի կասկածելի դրսևորումներով ուզում էր մասնակից դառնալ այս գործընթացի խոչընդոտների մեջ։ Եվ հնարավոր է, որ այս որոշումը խոչընդոտի Մարտի 1-ի գործի ամբողջական բացահայտմանը»,- ասաց Քոչարյանը։
Մանրամասները՝ տեսանյութում։
Շողիկ Գալստյան
