06.10.2026 | 15:13
Փաշինյանն ընդունել է Հայաստանում Ֆրանսիայի նորանշանակ դեսպանին
Արթուր Գալստյանի մեղավորությունը չի ապացուցվել դեռեւս. Տոնոյանը՝ ORSIS-ի գործի մասին. ՏԵՍԱՆՅՈՒԹ
Հասարակություն
03.09.2019 | 16:29
Պաշտպանության նախարար Դավիթ Տոնոյանը չի մեկնաբանում սպառազինություն մատակարարող ռուսական ORSIS ընկերության հետ կապված միջադեպը: Factor.am-ի հարցին ի պատասխան՝ նախարարը նշեց, որ նախաքննական փուլում իր կողմից որևէ մեկնաբանություն տալը ճիշտ չէ:
Հիշեցնենք, որ Factor.am-ը, հղում անելով ՊՆ-ի աղբյուրներին, գրել էր, որ այս տարվա մայիսին ՀՀ պաշտպանության նախարարությունը հայտարարել է հատուկ սարքերի խոշոր խմբաքանակի ձեռքբերման մրցույթ, որի պահանջները կարողացել է բավարարել միայն ORSIS ընկերությունը:
Ռուսական այս ընկերությունը «Промтехнологии» կոնցեռնի մաս է կազմում, իսկ Հայստանում ORSIS ընկերության պաշտոնական ներկայացուցիչը «Օրսիս Արմս» ՍՊԸ-ն է: Այս ընկերությունը հիմնադրվել է 2017 թվականին, հիմնադիրներն են Արթուր Գալստյանը և Գևորգ Մանուկյանը, որոնք պատահական անձինք չեն: Արթուր Գալստյանը ՀՀ Զինված ուժերի Գլխավոր շտաբի ռազմատեղագրական բաժնի պետն է, փոխգնդապետ: 1996 թվականից ի վեր Զինված ուժերում զբաղեցրել է տարբեր ղեկավար պաշտոններ:
Նախարարից հետաքրքրվեցինք, թե ինչո՞ւ է Արթուր Գալստյանը շարունակում ԳՇ-ում պաշտոնավարել: «Իր մեղավորությունը որևիցե ձևով դեռ չի հաստատվել»,- արձագանքեց նախարարը:
Մանրամասները՝ տեսանյութում:
Նարեկ Կիրակոսյան
