17.11.2024 | 13:26
Ակադեմիական միջավայրի ձեր այսօրը ուղղակիորեն պայմանավորում է ձեր վաղվա անելիքը․ նախարարի շնորհավորանքը
Մեր դատական համակարգը, մեր իրավապահ մարմինները հովանավորել են կրիմինալին. Նինա Կարապետյանց. ՏԵՍԱՆՅՈՒԹ
Հասարակություն
02.09.2019 | 13:38
«Մեր դատական համակարգը, մեր իրավապահ մարմինները հովանավորել են կրիմինալին, և այսօր մենք ուզում ենք առանց որևէ դատախազի կամ քննիչի պատասխանատվության ենթարկելու պայքարենք կրիմինալի դեմ, բայց չէ՞ որ դա հնարավոր չէ: Մինչև դատաիրավական համակարգի բարեփոխումը չեղավ, կրիմինալի դեմ պայքարը չի լինի, ու այս նախագիծը այդպես էլ կմնա թղթի վրա»,- այս մասին այսօր «Կառավարությունն ընդունեց քրեական ենթամշակույթ ստեղծելը քրեականացնող օրինագիծ․ իրավական գնահատականներ» թեմայով քննարկման ժամանակ ասաց իրավապաշտպան Նինա Կարապետյանցը:
Նրա խոսքով՝ հեղափոխությունից հետո միչև հիմա մամուլում շրջանառվում են մարդկանց անուններ, որոնք այս կամ այն կերպ կապվում են կրիմինալի հետ. այդ մասին ակնարկվում է, բայց չի ստուգվում:
«100 անգամ շոշափվել է կառույցի ղեկավարի անուն, ըստ որի, նա Էրեբունիի Ոստիկանությունում կամ քննչականում աշխատելու տարիներին կապ է ունեցել կրիմինալի հետ և մինչև հիմա էլ ունի: Հիմա եկեք հասկանանք, մենք այդ մարդուն վստահո՞ւմ ենք քննիչների հանցագործության բացահայտումը: Իհարկե՛, դա հնարավոր չէ»,- ասաց իրավապաշտպանը:
Մանրամասները՝ տեսանյութում:
Աղավնի Սուքիասյան
