«Սանիթեք»-ն արդեն 4-րդ օրն է հրաժարվում է կատարել աղբահանության իր պարտականությունը Երևանի ամբողջ տարածքում. քաղաքապետարան

01.09.2019 | 13:46

Լուրեր

10.12.2025 | 17:08

2024-ի հայտարարագրերի ուսումնասիրության արդյունքում 7 հաղորդում է ներկայացվել Դատախազություն․ ՏԵՍԱՆՅՈՒԹ

10.12.2025 | 16:57

Վաշինգտոնն ու Կիևը խաղաղության ծրագրի շրջանակում քննարկում են ԵՄ-ին Ուկրաինայի անդամակցությունը՝ արդեն 2027 թվականին. The Washington Post

10.12.2025 | 16:46

Ուկրաինան ռուսական «ստվերային նավատորմին» պատկանող նավ է կալանել. այն Ղրիմից գյուղատնտեսական արտադրանք էր տեղափոխում

10.12.2025 | 16:34

ՊՆ արտաբյուջետային հաշիվը փակվում է․ գումարի մնացորդը կփոխանցվի ՀՀ պետական բյուջե

10.12.2025 | 16:22

Ինչ փոփոխություններ են նախատեսվում հակակոռուպցիոն ոլորտում․ փոխնախարարը մանրամասնեց․ ՏԵՍԱՆՅՈՒԹ

10.12.2025 | 16:10

Հայտնի է՝ ում հետ է Երևանում մենամարտելու Արման Ծառուկյանը

10.12.2025 | 16:03

Պեսկովը հայտարարել է, որ ՌԴ-ն աշխատում է խաղաղության, այլ ոչ թե հրադադարի վրա

10.12.2025 | 15:51

«Արարատի» դարպասապահը կմասնակցի Աֆրիկայի ազգերի գավաթին

10.12.2025 | 15:45

Ո՞րն է ավելի վտանգավոր հանցագործություն. սպանությո՞ւնը, թե՞ կոռուպցիան. Սրբուհի Գալյան․ ՏԵՍԱՆՅՈՒԹ

10.12.2025 | 15:42

Բրյուսելը ռուսական ակտիվների սառեցմանն ուղղված արտակարգ օրենք է պատրաստում. Financial Times

10.12.2025 | 15:40

Սերժ Սարգսյանն արձագանքել է Փաշինյանի հրապարակած փաստաթղթերի բովանդակությանը

10.12.2025 | 15:37

Սամվել Ալեքսանյանի կինն ու դուստրը կառավարությունից 109 մլն դրամի արտոնություն կստանան

10.12.2025 | 15:33

Ավստրալիայում ուժի մեջ է մտել 16 տարեկանից փոքր երեխաների համար սոցցանցեր մուտք գործելու արգելքը

10.12.2025 | 15:26

«Բավարիայի» 17-ամյա ֆուտբոլիստը ռեկորդ է սահմանել Չեմպիոնների լիգայում

10.12.2025 | 15:20

ՀՀ ԱԳՆ-ից արձագանքել են Ադրբեջանի ԱԳՆ հայտարարությանը

Բոլորը

Երևանի քաղաքապետարանից տեղեկացնում են, որ «Սանիթեք» ընկերությունն արդեն չորրորդ օրն է՝ առանց պատճառների մասին Երևանի քաղաքապետարանին գրավոր ծանուցելու, հրաժարվում է կատարել աղբահանության իր պարտականությունը Երևանի ամբողջ տարածքում:

«Ընկերությունը, որը վերջին մի քանի ամիսների ընթացքում արդեն ի ցույց էր դրել իր պարտավորությունների կատարման անկարողությունը, վերջին օրերին համատարած կերպով, միայն իրեն հայտնի հանգամանքներով պայմանավորված, ամբողջությամբ ձախողում է աղբահանության գործընթացը։

Գործող օրենսդրությամբ և «Սանիտեքի» հետ կնքված պայմանագրերով քաղաքապետարանի ուղղակի պարտականությունն է՝ «Սանիտեքի» նկատմամբ պատժամիջոցների կիրառել պայմանագրային պարտավորությունների չկատարման համար, և քաղաքապետարանի կիրառած յուրաքանչյուր տուգանք հիմնված է փաստարկված և արձանագրված դեպքերի վրա:

Չկատարված, վատ կատարված աշխատանքի, չմատուցված, թերի մատուցված ծառայության համար Երևանի քաղաքապետարանի հետ պայմանագրային հարաբերությունների մեջ գտնվող ցանկացած տնտեսվարողի համար օրենսդրությամբ նախատեսված են անբարենպաստ իրավական հետևանքներ, այդ թվում՝ տուգանքների կիրառում, և այս առումով «Սանիտեքը» վստահաբար բացառություն չէ:

Անցած ամիսների ընթացքում քաղաքը աղբահանության կոլափսից կարողացել է խուսափել միայն «Երևանի աղբահանություն և սանիտարական մաքրում» համայնքային հիմնարկի 24-ժամյա աշխատանքի շնորհիվ, որի տեխնիկական ռեսուրսները և աշխատակազմը շարունակաբար համալրվում են: Այս պահին համայնքային հիմնարկը իր կարողությունների չափով կատարում է ամբողջ քաղաքի աղբահանությունը:

Երևանի քաղաքապետարանը ձեռնարկում է բոլոր հնարավոր միջոցները, մայրաքաղաքում աղբահանության խնդիրը արմատապես լուծելու համար՝ ի շահ Երևան քաղաքի և նրա բնակիչների, որոնք արդեն տևական ժամանակ է, տառապում են աղբահանության այս անընդունելի վիճակից:

«Սանիթեքի»՝ պայմանագրերով նախատեսված աշխատանքից հրաժարվելու վարքագիծը գնահատում ենք որպես պայմանագրային պարտավորությունների խախտման հերթական՝ ծայրահեղ դրսևորում, որը, անշուշտ, իր իրավական հետևանքները կունենա»,- ասված է հաղորդագրությունում: